मुंबई : एकनाथ शिंदेसह शिवसेनेचे जवळपास 40 आमदारांनी बंड पुकारला असून यामुळे ठाकरे सरकार धोक्यात आली आहे. अशात सरकार वाचवण्यासाठी पूर्ण प्रयत्न केले जात आहे. मात्र, आता ठाकरे सरकारला आणखी एक मोठा धक्का बसला आहे. राज्याचे उच्च शिक्षण मंत्री उदय सामंतही आता नॉट रिचेबल आहेत. आज सकाळपासून उदय सामंत नॉट रिचेबल आहेत. उदय सामंत देखील शिंदे गटात सामील झालं असल्याचं सांगितलं जात आहे. सुरतहून विशेष विमानाने उदय सामंत गुवाहाटीला रवाना होणार असल्याचं सांगितलं जात आहे.
कालच्या राष्ट्रीय कार्यकारिणीच्या बैठकीला उदय सामंत उपस्थित होते, मात्र त्यानंतर आज सकाळपासून त्यांचा संपर्क झालेला नाही. एकनाथ शिंदे यांच्या गटात सध्या 37 हून जास्त शिवसेना आमदार आणि 9 हून जास्त अपक्ष आमदार असल्याचे सांगण्यात येते आहे. आता त्यात उदय सामंतही त्यांना जाऊन मिळाल्यास बंडखोरांचे बळ आणखी वाढण्याची शक्यता आहे.
उदय सामंत हे विमानाने गुवाहाटीला रवाना झाले असल्याची माहिती आहे. एका बाजूला उद्धव ठाकरे, आदित्य ठाकरे, संजय राूत हे शिवसैनिकांना आणि शिवसेना नेत्यांना एकीचे आवाहन करीत असताना पक्षातील फूट मात्र थांबण्यास तयार नाही हेच यातून दिसते आहे. संजय राऊत हे कठोर शब्दांत बंडखोर आमदारांवर टीका करीत आहेत, मात्र तरीही शिवसेनेचे एक मंत्रीच गुवाहटीला गेल्याच्या माहितीने शिवसेनेला मोठा धक्का बसल्याचे मानण्यात येते आहे.
