जळगाव : मान्सून महाराष्ट्रात दाखल झाला आहे. त्यापूर्वी राज्यातील अनेक भागात पावसाने जोरदार हजेरी लावली आहे. जळगाव शहरासह परिसरात आज दुपारी तीन वाजेच्या सुमारास जोरदार पावसाने हजेरी लावली. जवळपास २५ मिनिटं जोरदार पाऊस झाला आहे. या यामुळे जागोजागी साचलेल पाणी दिसून आले.
गेल्या महिन्यात तापमानाने जळगावकर चांगलेच हैराण झाले होते. मात्र राज्यात अनेक भागात मान्सूनपूर्व पाऊस कोसळत आहे.जळगाव जिल्ह्यात देखील पावसाचे ढग दाटून येत आहे.
हवामान खात्याने आधीच पावसाचा अंदाज वर्तविला होता. जळगाव जिल्ह्याला आज आणि उद्यासाठी यलो अलर्ट जारी करण्यात आला होता. त्यामुळे आज दुपारी जिल्ह्यात पावसाने हजेरी लावली आहे. या पावसामुळे उकाड्यापासून काहीसा दिलासा मिळाला आहे.
