जळगाव । कौटुंबिक जांचाला कंटाळून ३० वर्षीय विवाहितेने गळफास घेऊन आत्महत्या केल्याची घटना आज शनिवारी सकाळी जळगाव शहरातील सत्यम पार्क येथे उघडकीस आलीय. सुनिता शरद पाटील (वय-३०) रा. पिंपळकोठा ता. एरंडोल ह.मु. सत्यम पार्क, असे मृत विवाहितेचे नाव असून याप्रकरणी जळगाव तालुका पोलीसात अकस्मात मृत्यूची नोंद करण्यात आली आहे.
गेल्या १० वर्षांपासून सुनिता पाटील व तिचे पती शरद मंगल पाटील यांच्यात कौटुंबिक वाद सुरु आहे. सुनीता या पतीपासून वेगळ्या राहत असून त्या खोटेनगरातील सत्यमपार्क येथे लहान मुलगा आयुष सोबत राहत होत्या. तर पती शरद पाटील हा त्याचे आईवडील आणि मोठा मुलगा वेदांत सोबत पिंपळकोठा येथे राहत आहे. दोन दिवसांपुर्वी मृत महिलेच्या घराला आग लागली होती. या संसारोपयोगी वस्तू जळून खाक झाल्या होत्या.
हे पण वाचा :
शरद पवारांबद्दल आक्षेपार्ह पोस्ट करणे भोवले, अभिनेत्री केतकी चितळेविरुद्ध गुन्हा
8वी पास उमेदवारांसाठी बंपर भरती, येथे संपूर्ण माहिती जाणून घ्या
MPSC मार्फत 161 जागांसाठी भरती, अधिकारी होण्याची संधी..
शहरातील त्रिभुवन कॉलनीत विवाहितेचे आईवडील राहतात. त्यांच्याकडे सुनिता पाटील यांचा लहान मुलगा आयुष देखील राहतो. त्यामुळे विवाहिता शुक्रवार १३ मे रोजी रात्री घरी एकट्याच होत्या. मध्यरात्री विवाहितेने गळफास घेवून आत्महत्या केली. दरम्यान, शनिवारी १४ मे रोजी सकाळी १० वाजता विवाहितेची आई बेबीबाई भाईदास पाटील ह्या मुलीला डबा देण्यासाठी तिच्या घरी सत्यमपार्क येथे आल्या असता मुलीने गळफास घेतलेल्या अवस्थेत आढळून आल्या. मुलीचा मृतदेह पाहून त्यांनी टाहो फोडला.
विवाहितेने आत्महत्या केली नसून तिचा पती शरद पाटील यानेच तिला गळफास देवून खून केल्याचा आरोप मयत विवाहितेची आई बेबीबाई पाटील यांनी केला आहे. याप्रकरणी जळगाव तालुका पोलीस ठाण्यात अकस्मात मृत्यूची नोंद करण्यात आली आहे.
