- जळगाव शहर मतदार संघाचे आघाडीचे उमेदवार अभिषेक पाटील यांचा प्रचाराचा शुभारंभ
जळगाव – जळगाव जिल्ह्यात राष्ट्रवादी,काँग्रेस आघाडीच्या जागा वाढतील असे प्रतिपादन राष्ट्रवादीचे सर्वेसर्वा शरद पवार यांनी आज जळगाव येथिल राष्ट्रवादी कार्यालयात आयोजित पत्रकार परिषदेत केले.पत्रकारांशी संवाद आटोपल्यावर जळगाव शहर मतदार संघातील राष्ट्रवादी,काँग्रेस आघाडीचे उमेदवार अभिषेक पाटील यांच्या प्रचाराचे नारळ वाहून प्रचाराचा शुभारंभ केला.
जळगाव जिल्हा दौऱ्यावर शरद पवार आले असता त्यांनी विविध प्रश्नावर प्रकाशझोत टाकला असता ते म्हणाले कि,विरोधकांकडे विकासावर बोलण्यासारखे काहीही नाही त्यामुळे ते कलम ३७० वर बोलत आहे.राज्यात औद्योगिक विकास थांबला आहे.दिवसेंदिवस बेरोजगारी वाढत आहे,जनतेला मूलभूत गरजा देण्यास हे सरकार अपयशी ठरले आहे.तरी राज्याच्या विकासासाठी राष्ट्रवादी,काँग्रेस पक्षाला साथ द्या असे आवाहन शरद पवार यांनी केले.यावेळी माजी खासदार ईश्वरलाल जैन, माजी मंत्री गुलाबराव देवकर,उमेदवार अभिषेक पाटील,रवींद्रभैया पाटील,मुक्ताईनगर मतदारसंघातून अपक्ष निवडणूक लढवीत असलेले चंदकांत पाटील यांच्यासह राष्ट्रवादी,काँग्रेस आघाडीचे पदाधिकारी,कार्यकर्ते मोठ्या संख्येने उपस्थित होते.
