अरे बापरे.. ही बातमी वाचून तुम्ही देखील व्हाल सुन्न

राजस्थान : राजस्थानमधील चित्तौरगड जिल्ह्यातील बस्सी भागातील एका गावात एक अतिशय धक्कादायक घटना समोर आलीय. नातेवाईक मंडळी लग्नाच्या समारंभात मश्गूल असतानाच एका चार वर्षाच्या बालकाला पळवून नेत या विकृताने त्याला वासनांधतेचा शिकार बनवलं. त्यानंतर त्याला लग्नमंडपात आणून सोडलं आणि पुन्हा एकदा तीन वर्षाच्या मुलीला उचलून नेलं. या बालिकेसोबतही इतकी घाणेरडी कृत्य केलं. दैनिक भास्करमध्ये प्रकाशित झालेल्या या वृत्तानं अवघा राजस्थान हादरून गेलाय. लग्न समारंभ आपल्याकडेही असतात, माणसाच्या रुपात दडलेली हैवानं इथेही असू शकतात, ही वास्तविकता नाकारता येत नाही.

चित्तौरगड जिल्ह्यातील बस्सी भागातील एका गावातील हा प्रकार. गुरुवारी एका कुटुंबात दोन विवाहसोहळे आयोजित कऱण्यात आले होते. सगळीकडे आनंदाचं वातावरण होतं. घोड्यावर बसून गावात दोन नवरदेव आले होते. पण या सगळ्या उत्साही मंडपात एक लिंगपिशाच्च होता. रामेश्वर धाकज (30). या हैवानानं आधी चार वर्षाच्या मुलाला उचलून दूर विहिरीवर नेलं. त्याच्याशी गैरवर्तन केलं. शरीरावर जागोजागी चावा घेतला. इवलासा जीव वेदनेनं विव्हळत होता. पण याचे अत्याचार संपतच नव्हते. अखेर लोकांच्या भीतीनं त्यानं त्या मुलाला पुन्हा मंडपात आणून ठेवलं.

Trigger warning ⚠️

उफ़ उफ़ !

इस रामेश्वर धाकड़ को ऐसी सजा मिलनी चाहिए कि सात पीढ़ियाँ सिहर जाएँ https://t.co/y30lIlbuOS

— Vinod Kapri (@vinodkapri) April 23, 2022

चार वर्षाच्या मुलावर अत्याचार केल्यानंतर पुन्हा एकदा या हैवानाची भूक चाळवली. मंडपातून त्यानं तीन वर्षाच्या मुलीला उचललं. तिच्याही शरीरावर सात ते आठ ठिकाणी चावा घेतला. गळा दाबून मारलं. तिचा आवाज कायमसाठीच बंद केला. त्यानंतर तिला विहिरीत टाकून दिलं. एवढी घाणेरडी कृत्य करून पुन्हा एकदा हा मंडपात आला. लग्नसमारंभात सहभागी झाला आणि घरी परतला.

लग्न समारंभ उरकल्यावर इकडे नातेवाईक घरी गेले. पण तीन वर्षीय मुलगी बेपत्ता होती. संध्याकाळी पोलिस तपास सुरु झाला. आजूबाजूच्या गावकऱ्यांची चौकशी केली असता, ही मुलगी भिलवाडातील बीगोद परिसरातील किशनपुरा येथील रहिवासी रामेश्वरसोबत विहिरीवर दिसली होती. पोलिसांसहित गावकरी रामेश्वरच्या घरी पोहोचले. आपण केलेल्या कृत्याची कबूली द्यायला आधी या नराधमानं खूप टाळाटाळ केली. अखेर पोलिसी खाक्या दाखवल्यानंतर हे घृणास्पद कृत्य कबूल केलं. पोलिसांनी या आरोपीवर पॉक्सो कायद्याअतंर्गत 376, 302 व एससीएसटी अॅक्टनुसार गुन्हा दाखल केला आहे.