मुंबई : शिवसेना खासदार संजय राऊत आणि भाजपचे माजी मंत्री आणि सध्या राष्ट्रवादीत असलेले एकनाथ खडसे यांचे फोन ‘टॅप’ केल्याच्या आरोपाखाली कुलाबा पोलिस ठाण्यात गुन्हा दाखल करण्यात आला आहे. फोन टॅपिंग प्रकरणातील त्यांच्यावरील हा तिसरा गुन्हा आहे.
मुंबई पोलिसांकडून कुलाबा पोलीस स्थानकामध्ये आयपीएस अधिकारी रश्मी शुक्ला यांच्याविरोधात टेलिग्राफ कायद्यांतर्गत गुन्हा दाखल करण्यात आले आहे. रश्मी शुक्ला यांनी संजय राऊत आणि एकनाथ खडसे यांचे फोन 2019 मध्ये टॅप करण्यात आल्याची माहिती समोर आली आहे.रश्मी शुक्ला यांच्यावर दाखल करण्यात आलेल्या गुन्ह्यांमध्ये संजय राऊत तसेच एकनाथ खडसे यांचा फोन टॅपिंग केला असल्याचा उल्लेख एफआयआर कॉपी मध्ये असल्याची माहिती समोर आहे.
काँग्रेसचे अध्यक्ष नाना पटोले, मंत्री बच्चू कडू, माजी खासदार संजय काकडे, माजी आमदार आशिष देशमुख यांचे फोन टॅप केल्याचा आरोप या गुन्ह्यात करण्यात आला होता. अशाच प्रकारे गुन्ह्याच्या तपासाचे कारण पुढे करून, टोपण नावे वापरून संजय राऊत आणि एकनाथ खडसे यांचेही फोन टॅप केल्याचा आरोप शुक्ला यांच्यावर आहे.
हे देखील वाचा :
रस्त्यावर कुत्र्यांना खायला घालताय? तर सावध व्हा… ; सर्वोच्च न्यायालयाने घेतला हा निर्णय
दहावीची तोंडी परीक्षा देऊन परतणाऱ्या विद्यार्थ्यावर काळाचा घाला
डेटा संपलाय आणि पैसे नाहीत? टेन्शन सोडा Jio देणार मोफत इंटरनेट, कसे ते जाणून घ्या
दोन महिने फोन टॅपिंग
संजय राऊत आणि एकनाथ खडसे यांचे फोन जवळपास दोन महिने टॅपिंगसाठी लावण्यात आले होते. २०१९मध्ये दोघांचेही फोन टॅप करण्यात आल्याचे अतिरिक्त आयुक्तांनी केलेल्या तक्रारीत म्हटले आहे. ‘राजकीय स्वार्थ साधण्याच्या हेतूने’ हे कृत्य करण्यात आल्याचा आरोप गुन्ह्यामध्ये रश्मी शुक्ला यांच्यावर करण्यात आला आहे.
