पाचोरा, प्रतीनीधी | पाचोरा शहरात क्षुल्लक कारणावरून झालेल्या वादातून युवकाचा खून झाल्याची धक्कादायक घटना घडलीय. भूषण नाना शेवरे (वय – २३) रा. दुर्गा नगर, पाचोरा असे मृत तरुणाचे नाव असून या प्रकरणी मुख्य आरोपी सह काही संशयितांना ताब्यात घेऊन काल रात्री उशिरा पर्यंत खुनाचा गुन्हा नोंद करण्याचे काम सुरू होते.
नेमकी काय आहे घटना?
पाचोरा शहराच्या पुनगाव रोड रस्त्यावरील बुर्हानी इंग्लिश मेडियम स्कूलच्या आवारात तरुणांच्या झालेल्या भानगडीत भूषण नाना शेवरे या तरुणाला तीक्ष्ण हत्याराने भोसकुन गंभीर जखमी केल्याची घटना काल सायंकाळी घडली. गंभीर जखमी अवस्थेतील तरुणाला पाचोरा येथील खाजगी रुग्णालयात उपचारार्थ नेले असता त्यास पुढील उपचारार्थ जळगाव येथे हलवण्यात आले. उपचारा दरम्यान जखमी तरुण हा मयत झाला. या प्रकरणी मुख्य आरोपी सह काही संशयितांना ताब्यात घेऊन काल रात्री उशिरा पर्यंत खुनाचा गुन्हा नोंद करण्याचे काम सुरू होते. घटनेचा पुढील तपास पोलिस निरीक्षक किसनराव नजन पाटील हे करीत आहेत.
