जळगाव, (प्रतिनिधी) – जळगाव जिल्ह्यातील कोरोना रुग्णांची संख्या दिवसेंदिवस वाढत असून आज तर जिल्ह्यात कोरोनाचा उद्रेक पाहायला मिळाला आहे जिल्हा प्रशासनाने आज दिलेल्या अहवालात दिवसभरात तब्बल ३७७ रूग्ण नवे कोरोना बाधित रुग्ण आढळून आले आहे. यात जळगाव शहरासह भुसावळ तालुक्यात कोरोनाचे मोठ्या प्रमाणात रुग्ण मिळाल्याचे अहवालात दिसून येत आहे.
जिल्ह्यात आज दिवसभरात एकुण ३७७ कोरोना रूग्ण नव्याने आढळले आहे. तर ४६ बाधित रूग्ण बरे होवून घरी परतले आहे. यात जळगाव शहर-१५५, जळगाव ग्रामीण-९, भुसावळ-१४४, अमळनेर-१३, चोपडा-१५, पाचोरा-१, भडगाव-७, धरणगाव-१, यावल-२, एरंडोल-३, जामनेर-२, रावेर-३, पारोळा-१, चाळीसगाव-२०, मुक्ताईनगर-०, बोदवड-० आणि इतर जिल्ह्यातील १ असे एकुण ३७७ कोरोना बाधित रूग्ण आढळून आले आहे.
हे देखील वाचा…
बिपीन रावत यांच्या हेलिकॉप्टर अपघाताचं सत्य आलं समोर
नवोदय विद्यालयात नोकरीची संधी ; तब्बल १९२५ पदांची भरती
५ वर्षांखालील मुलांमध्ये दिसताय ओमिक्रॉनची ‘ही’ गंभीर लक्षणे
जिल्ह्यात आतापर्यंत एकुण १ लाख ४४ हजार ८०५ बाधित रूग्ण आढळून आले असून त्यापैकी १ लाख ४० हजार ३७९ रूग्ण बरे होवून घरी परतले आहे. जिल्ह्यात सध्या १ हजार ८४६ रूग्ण विविध कोवीड रूग्णालयात उपचार घेत आहेत. तर ४६ रूग्ण बरे होवून घरी परतले आहे. जिल्ह्यात आतापर्यंत २ हजार ५८० कोरोना बाधित रूग्णाचा उपचारादरम्यान मृत्यू झाला आहे. असे प्रशासनाच्या वतीने कळविण्यात आले आहे.
