जळगाव प्रतिनिधी | शहरासह जिल्ह्यात आत्महत्येचे प्रमाण वाढताना दिसून येत आहे. अशात आता एका १८ वर्षीय तरुणाने गळफास घेऊन आपली जीवन यात्रा संपविली आहे. जळगावातील वाघ नगरातील करण संजय शिंदे (वय-१८) या तरुणाने आत्महत्या केली आहे. ही घटना काल उघडकीस आलीय. याप्रकरणी रामानंदनगर पोलिस ठाण्यात अकस्मात मृत्यूची नोंद करण्यात आली आहे.
शहरातील वाघ नगरात राहणार करण शिंदे याने १४ डिसेंबर रोजी दुपारी साडेचार वाजेच्या सुमारास राहत्या घराच्या वरच्या मजल्यावर गळफास घेऊन आत्महत्या केल्याचे उघडकीस आले. तरुणाच्या आत्महत्येचे कारण अद्याप कळू शकले नाही. दरम्यान, बाजूच्या खोलीत झोपलेला लहान भाऊ नितीन याच्या लक्षात येताच त्याने तातडीने शेजाऱ्यांच्या मदतीने मृतदेह खाली उतरवून जिल्हा वैद्यकीय महाविद्यालयात दाखल करण्यात आले.
यावेळी वैद्यकीय अधिकारी यांनी त्यास मृत घोषित केले. याप्रकरणी रामानंदनगर पोलिस ठाण्यात अकस्मात मृत्यूची नोंद करण्यात आले आहेत. मयताच्या पश्चात आई शारदा, नितीन आणि वडील संजय आनंदा शिंदे असा परिवार आहे. प्राथमिक तपास स.फौ. सुरेश लोखंडे करीत आहे.
