मुंबई: सार्वकालिक उच्चांक गाठल्यानंतर आणि महिनाभर भाव स्थिर राहिल्यानंतर आता इंधनाच्या दरात किंचित का होईना पण कपात होण्यास सुरुवात झाली आहे. आज पेट्रोलियम कंपन्यांनी पेट्रोल आणि डीझेलच्या दरात कपात केली आहे. आज पेट्रोलच्या किंमतीत 10 पैशांची कपात झाली आहे. तर डिझेलच्या किंमतीत 10 ते 20 पैशांची घसरण झाली आहे. दरम्यान, आज जळगावात एक लीटर पेट्रोलचा भाव १०८.८० रुपये आहे तर डिझेलचा भाव ९६.२० रुपये इतका झाला आहे.
देशभरात शनिवारी पेट्रोल आणि डिझेलच्या किंमती स्थिर होत्या. तत्पूर्वी तीन दिवसांत डिझेल 60 पैशांनी स्वस्त झाले होते. पेट्रोलियम कंपन्यांनी रविवारी सकाळी जाहीर केलेल्या आकडेवारीनुसार मुंबईत प्रतीलिटर डिझेलसाठी 96.64 रुपये मोजावे लागत आहेत. तर पेट्रोलचा दर प्रतिलीटर 107.66 रुपये इतका आहे. दिल्लीत प्रतिलीटर पेट्रोलसाठी 101.74 तर एका लीटर डिझेलसाठी 89.07 रुपये मोजावे लागत आहेत.
दररोज 6 वाजता बदलतात किमती
दररोज सकाळी 6 वाजता पेट्रोल आणि डिझेलच्या किमतीत बदल होत असतो. सकाळी सहा वाजता नवे दर लागू केले जातात. पेट्रोल आणि डिझेलच्या किमती एक्साइज ड्युटी, डिलर कमिशन आणि अन्य गोष्टी जोडल्यानंतर त्याचा भाव जवळपास दुप्पट होतो.
