जळगाव,(प्रतिनिधी)- पाचोरा तालुक्यातील ग्रामपंचायत कळमसरा येथे माजी सरपंच सौ. सविता विनोद निकम व अजय वंजारी यांनी केलेल्या अपहाराची चौकशी होऊन संबंधितांवर कडक कारवाही करून फौजदारी गुन्हा दाखल करणे बाबतच्या मागणीचे निवेदन बापू झिपरू निकम ग्रा.प. सदस्य कळमसरा ता. पाचोरा जि. जळगाव यांनी दिले आहे.
निवेदनात म्हटलं की, ग्रा. पं. कळमसरा ता. पाचोरा येथील ग्रा. पं. मध्ये आर्थिक व्यवहारात तत्कालीन सरपंच सौ. सविता विनोद निकम व ग्रा. वि. अ. अजय वंजारी यांनी संगनमत करून मोठ्या प्रमाणावर आर्थिक गैव्यवहार करून भ्रष्टाचार केला आहे. तरी खाली देण्यात येत असलेल्या व्यवहारांची योजनांची चौकशी करून संबंधितांवर कडक कारवाई करण्यात यावी ही नम्र विनंती.
१) चौदावा वित्त आयोग योजनेच्या सन २०१४-१५ ते २०१९-२० पर्यंत प्राप्त निधी व त्याचा केलेला विनियोग तसेच संबंधित १४ वा वित्त आयोग निधीमधून मागासवर्गीय राखीव कोणते कामे केलीत.
२) दलीत वस्ती सुधार योजने अंतर्गत सन २०१४-१५ ते २०१९-२०पर्यंत प्राप्त निधी किती व त्यातून कोणती कामे करण्यात आली याची सविस्तर चौकशी करण्यात यावी तसेच संबंधित कामे ही दलीत वस्तीतच केली आहे किंवा नाही याची शहानिशा करण्यात यावी.
३) ग्रामनिधी व पाणी पुरवठा जमा करण्यात येत असलेल्या घरपट्टी व पाणीपट्टी वसूल रीतसर बँकेत भरणा करण्यात आला आहे की खात्यावर न भरता परस्पर खर्च केला आहे.
४) स्वच्छ भारत मिशन योजने अंतर्गत देण्यात येणाऱ्या वैयक्तिक शौचालय लाभार्थी अनुदान बाबत जुन्या शौचालय धारकांना बोगस अनुदान देऊन मोठ्या प्रमाणात घोळ करण्यात आला आहे.
तरी मा. महोदयांना नम्र निवेदन देण्यात येते की, संबंधित सरपंच व ग्रा. वि. अ. यांची सखोल चौकशी करण्यात यावी तसेच यांनी केलेल्या नियमबाह्य आर्थिक गैर व्यवहारांची चौकशी करून त्यांच्यावर कडक कारवाई करून फौजदारी गुन्हा दाखल करण्यात यावा तसेच आजपर्यंत संबंधित सरपंच व ग्रामसेवक यांनी मागासवर्गीय राखीव निधी वितरीत न करता परस्पर पैसे खर्च करून अपहार केला आहे. तसेच मागासवर्गीय गरजू लाभार्थ्यांना घरकुलाच्या लाभापासून वंचित ठेवले आहे. तरी संबंधित ग्रामसेवक यांच्यावर अट्रासिटी कायद्या अंतर्गत गुन्हा दाखल करण्याची परवानगी द्यावी ही नम्र विनंती.
संबंधित अपहाराची सखोल चौकशी करण्यात यावी अन्यथा दि. १५/०८/२०२१ रोजी जिल्हा परिषद समोर उपोषणाला बसणार आहे. व पुढील संपूर्ण जबाबदारी आपल्या प्रशासनाची राहील याची नोंद घ्यावी असे निवेदन बापू झीपरू निकम ग्रा. पं. सदस्य कळमसारा ता.पाचोरा यांनी दिले आहे.
