जळगाव, (प्रतिनिधी)- कोरोना परिस्थिती लक्षात घेता रावेर लोकसभा मतदार संघाच्या खासदार रक्षा खडसे यांनी आज दिनांक ४ मे रोजी उपजिल्हा रुग्णालय मुक्ताईनगर येथे कोविड रुग्णांसाठी अत्यावश्यक औषधी स्वखर्चाने पुरविण्यात आली आहे.तसेच खासदार रक्षा खडसे यांनी यावेळी कोविड सेंटर मधील रुग्णांशी प्रत्यक्ष संवाद साधून उपलब्ध सुविधा व समस्यांची तसेच ऑक्सिजन सुविधेची माहिती घेऊन तालुका वैद्यकीय अधिकारी यांना योग्य त्या सूचना केल्या आहेत.
भाजपाच्या खासदार रक्षा खडसे यांनी स्वखर्चातुनऔषधे उपलब्ध करून दिल्यानंतर भाजपचे प्रदेशाध्यक्ष माजी महसूल मंत्री आ. चंद्रकांत पाटील यांनी ट्विट करून म्हटलं की,भारतीय जनता पार्टीचा प्रत्येक कार्यकर्ता, पदाधिकारी, आमदार, खासदार आज कोरोनाशी लढण्यासाठी पुढे आले आहेत. रावेर मतदारसंघाच्या खासदार रक्षा खडसे यांनी स्वखर्चातून उपजिल्हा रुग्णालय मुक्ताईनगर येथे कोविड रुग्णांसाठी अत्यावश्यक औषधे पुरवली असल्याचं म्हटलं आहे.
