जळगाव, (प्रतिनिधी)- जामनेर येथील उपजिल्हा रुग्णालयात आज सकाळी ऑक्सिजन संपला होता मात्र आता संध्याकाळी रुग्णालयाला ऑक्सिजन पुरवठा झाला असल्याचं वैद्यकीय अधिकारी डॉ. विनय सोनवणे यांनी ‘नजरकैद’ शी बोलतांना सांगितलं.
वैद्यकीय अधिकारी डॉ. विनय सोनवणे पुढे बोलतांना म्हणाले की,सकाळी ऑक्सिजन संपल्याने जामनेर उपजिल्हा रुग्णालयातून ११ रुग्णांना तातडीने डॉ. उल्हास पाटील मेडिकल कॉलेज येथे शिफ्ट करण्यात आले. दरम्यान रस्त्यात एका रुग्णाचा मृत्यू देखील झाल्याचे त्यांनी यावेळी सांगितले.
ज्या रुग्णाचा मृत्यू झाला त्यास ऑक्सिजन लाऊनच पाठविण्यात आलं होतं मात्र प्रकृती सिरीयस असल्याने त्या रुग्णाचा मृत्यू झाला असल्याचं डॉ. विनय सोनवणे यांनी स्पष्ट केलं आहे.
जामनेर उप जिल्हा रुग्णालय येथे ऑक्सिजन संपल्याची घटना समोर आल्याने जिल्ह्यात ऑक्सिजन चा तुटवडा असल्याचे वास्तव पाहायला मिळाले आहे. जिल्ह्यात कोरोना संसर्ग थांबता थांबेना अशीच काहीशी परिस्थिती निर्माण झाली आहे.
