बोदवड,(सचिन पाटील): पंचायत समितीचे गटशिक्षणाधिकारी यांनी माहिती अधिकारात माहिती न दिल्याने त्यांना पाच हजाराचा दंड माहिती आयुक्त, नाशिक यांनी नुकताच ठोटावला असून तसे आदेश देण्यात आले आहे.
तालुक्यातील शिरसाळा येथील सुरेश नारायण कोळी यांनी २०१७ मध्ये माहिती अधिकार अन्वय बोदवड येथील पंचायत समितीच्या गट शिक्षणअधिकारी व्ही सी धनके यांना माहिती मागितली होती, परंतु सदर त्यांनी माहिती न दिल्याने त्यांनी प्रथम अपील केले त्यात त्यांना आदेशात माहिती देण्याचे नमूद असताना हि दोन वर्षात त्यांनी ही माहिती दिली नाही.
सदर अर्जदार सुरेश कोळी यांनी राज्य महिती आयोग नाशिक खंडपीठ कडे अपील केले होते. त्याची ऑनलाइन सुनावणी माहिती आयुक्त के.एल.बिष्णोई यांच्या खंडपीठात झाली असून दोन्ही कडील माहिती घेत त्यांनी सदर प्रकरणात बोदवड पंचायत समिती चे तत्कालीन गट शिक्षण अधिकारी व्ही.सी. धनके यांना पाच हजार रुपयांचा दंड दिला असून सदर दंड त्यांच्या मासिक पगार मधून दोन टप्यात कपात करून वसूल करण्यात यावी व सदर चि रक्कम प्रशासनिक सेवा ००७०,६० इतर सेवा, ८००इतर जमा मध्ये जमा करण्यात यावी असे आदेश दिले आहे.
