चाळीसगाव- तालुक्यातील सांगवी येथे कृषी विभागाच्या वतीने रब्बी हंगामातील पिकांसाठी अळी व किडींचा प्रादुर्भाव रोखण्यासाठी कामगंध सापळे, जैविक औषध (metarizium) व फुलेबग्गीसाईड जैविक कीडनाशक पावडर चे गावचे उपसरपंच श्री बंडूमामा चव्हाण यांच्या हस्ते शेतकरी बांधवास वाटप करण्यात आले यावेळी सांगवी गावचे कार्यक्षम कृषी सहायक श्री तुफान खोत (खान्देश स्तरीय जलयोद्धा पुरस्कार प्राप्त) यांनी कामगंध सापळे, पक्षी थांबे व फवारणी करते वेळी शेतकऱ्यांने घ्यावयाच्या काळजी बाबत मार्गदर्शन केले. यावेळी भिल्ल समाजातील शेतकरी मोठ्या संख्येने उपस्थित होते.
अशा प्रकारे सर्वांना सामावून घेऊन कृषी विभागाचे गावाच्या विकासाच्या दिशेने वाटचाल करीत आहे. यासाठी गावचे सरपंच डॉ. महेंद्र राठोड यांचे अनमोल सहकार्य लाभले. कृषी विभागाच्या या उपक्रमाचे सर्वत्र कौतुक होत आहे.
