जळगाव (प्रतिनिधी)- येथील शासकीय वैद्यकीय महाविद्यालय व रुग्णालय जळगाव येथे ९० वर्षीय वृद्धाने कोरोनावर मात केली असून आज बरे झाल्याने त्यांना घरी सोडण्यात आले असता हॉस्पिटल प्रशासनाच्या वतीने पुष्पगुच्छ देऊन निरोप देण्यात आला यावेळी रुग्ण हिंमतराव पुंजू मोरे पाटील यांनी अतिशय चांगला व योग्य वैद्यकीय उपचार केल्यामुळे आज घरी जात असल्याची भावना व्यक्त करीत डीन डॉ. जयप्रकाश रामानंद यांचे विशेष आभार मानले.
९० वर्षीय वयोवृद्ध रुग्ण पारोळा ग्रामिण रुग्णालयातून दिनांक २४ जून रोजी जळगाव जिल्हा शासकीय वैद्यकीय महाविद्यालय व रुग्णालयात जळगाव येथे दाखल करण्यात आले होते त्यावेळेस त्यांची प्रकृती अत्यंत गंभीर होती. जळगाव वैद्यकीय महाविद्यालय व रुग्णालय चे नविन बदलून आलेले डीन डॉ.जयप्रकाश रामानंद व डाॅ.विजय गायकवाड यांनी त्यांची तपासणी केली व त्यांच्या वेगवेगळ्या रक्त, लघवी च्या टेस्ट घेतल्या आणि त्यांच्यावर(पेशंट वर) वेळ न वाया घालवता तात्काळ उपचार केले. डिन जयप्रकाश रामानंद,तसेच आरएमओ डॉ.बिराजदार,डॉ.विजय गायकवाड,व वार्डातील रात्रंदिवस सेवा बजावणारे नर्स,वार्ड बॉय ,सफाई कामगार यांनी रांत्रीदिवस पेशंट ची काळजी घेतली व योग्य वैद्यकीय सेवा वेळेवर औषधी, सलाईन,गोळ्या तसेच हळदीचे दुध,गरम पाणी,सकाळचा नाष्टा,दुपारचे व रात्रीचे जेवण वेळेवर दिल्यामुळे जिवनदान मिळाल्याच्या भावना रुग्ण व त्यांच्या नातेवाईक यांनी व्यक्त केल्या.
