भडगाव प्रतिनिधी:- वैभव विजय पाटील यांची नुकतीच राज्य कृषि पदवीधर संघटनेच्या भडगाव तालुक्याच्या विद्यार्थी अध्यक्ष पदी नियुक्ती करण्यात आली.तसेच उपाध्यक्ष पदी राकेश प्रवीण पाटील सचिव सौरव संजय बाविस्कर आणि संघटक अविष्कार संदीप पाटील यांची नियुक्ती करण्यात आली आहे .कृषि पदवीधर संघटना ही राज्यातील कृषि व संलग्न पदवीधर आणि शेतकरी बांधवांचे प्रश्न सोडवण्यासाठी २०१२ साली कृषिभूषण महेश कडूस पाटील यांनी स्थापन केली असून गेल्या आठ वर्षांपासून अनेकविध आंदोलने व जनजागृती आणि उपक्रमांच्या माध्यमातून सरकार कडे मागण्या मान्य करुन घेणारी ही संघटना आहे. नुकतेच कृषि विद्यार्थी यांच्या परिक्षा मुल्यांकन तत्वावर घेऊन पुढील वर्षी करता प्रवेश द्या ही मागणी शासनाकडे पाठपुरावा करुन कृषि पदवीधर संघटनेने मान्य करुन घेतली. अशा संघटनेच्या माध्यमातून शेतकऱ्यांना व त्यांच्या मुलांना संघटीत करण्यासाठी दिलेली जबाबदारी पार पाडणार असल्या चे नवनिर्वाचित पदाधिकारी वैभव पाटील
यांनी सांगितले. विद्यार्थी प्रदेशाध्यक्ष सुमित धामणे पाटील कार्याध्यक्ष मयूर महाजन व महाराष्ट्र राज्य उपाध्यक्ष मनीष भदाणे पाटील यांच्या मार्गदर्शनाखाली ही नियुक्ती करण्यात आली.
