मुंबई – मोटर वूमन श्रीमती मुमताज काझी आणि श्रीमती मनीषा म्हस्के-घोरपडे करोना महामारी काळात स्वतःची सुरक्षा घेत अत्यावश्यक सेवेतील कर्मचाऱ्यांसाठी उपनगरी गाड्या चालवत आहेत. कोरोना व्हायरस साथीच्या आजाराच्या संकटा दरम्यान आपली जबाबदारी पार पाडत असताना, त्यांना प्रवाशांना एकच संदेश द्यायचा आहे की, स्वतः सुरक्षित रहा व इतरांनाही सुरक्षित ठेवा.
कोरोनाव्हायरस साथीच्या आजाराच्या वेळी अत्यावश्यक सेवेतील कर्मचार्‍यांची उपनगरी रेल्वे गाड्यांमधून होणारी वाहतूक सुरळीत होण्यासाठी मध्य रेल्वेमधील महिला कोरोना योद्धा धैर्य आणि दृढ-निश्चय दाखवत महत्त्वपूर्ण भूमिका बजावत आहेत. मोटरवुमेन, गार्ड, स्टेशन मॅनेजर, बुकिंग क्लर्क, तिकीट तपासणी व रेल्वे सुरक्षा दल कर्मचारी, आणि तसेच ओएचई, ट्रॅक, सिग्नल अॅड टेलिकम्युनिकेशन, रेल्वे गाड्यांची देखरेख करण्यासाठी असलेल्या महिला कर्मचारी, पॉइंट्स वूमेन, मेडीकल, सॅनिटायझिंग कामगार आदि फ्रंटलाईन स्टाफ उपनगरी रेल्वे गाड्या सुरळीत चालण्यासाठी 24X7 काम करत आहेत.
मुंबई उपनगरीय लोकल सेवा ही शहराची जीवनरेखा (लाईफलाईन) असल्याने, मध्य रेल्वेने राज्य सरकारद्वारा निश्चित केलेल्या अत्यावश्यक सेवेतील कर्मचार्‍यांसाठी निवडक उपनगरी रेल्वे गाड्या चालवण्यास सुरवात केली आहे.
पूर्ण सुरक्षा उपकरणे (जसे चेहरा कव्हर आणि मास्क ) घालून मोटारवुमन श्रीमती मनीषा म्हस्के घोरपडे यांनी हार्बर मार्गावरील छत्रपती शिवाजी महाराज टर्मिनस ते पनवेल उपनगरी गाडी चालविली. प्रवाशांना लोकल ट्रेनमध्ये प्रवास करताना सुरक्षिततेच्या सर्व खबरदारी घेण्याचे आवाहन त्यांनी केले आणि “सुरक्षित रहा, सावध रहा!” असा संदेश दिला. यावेळी श्रीमती मनीषा यांनी राष्ट्रसेवा करण्याची संधी दिल्याबद्दल मध्य रेल्वेचे आभार मानले.
त्याचप्रमाणे श्रीमती मुमताज काझी यांनीही ठाणे – छत्रपती शिवाजी महाराज टर्मिनस – ठाणे उपनगरी गाडी चालविताना अत्यंत कार्यतत्परतेचे उदाहरण दाखवून दिले. फेसशिल्ड, सेनिटायझर्स, मुखपट्टी आणि ग्लोव्हज यासारख्या रेल्वेने प्रदान केलेल्या सुरक्षा उपाय आणि सुरक्षा उपकरणामुळे मुमताज आनंदी आहे.
लोकल ट्रेन गार्ड, स्टेशन मॅनेजर, बुकिंग क्लर्क, तिकीट तपासणी कर्मचारी, आरपीएफ महिला कॉन्स्टेबल, पॉईंट्स वूमन आणि सेनेटिझिंग कामगारां प्रमाणेच इतर देखभालीच्या कामात सहभागी महिला कर्मचार्‍यांनीही सर्व सुरक्षा उपकरणासह काम करण्याची आणि कोविड प्रसाराला रोखण्यासाठी खबरदारी घेतली आहे. प्रवाशांचे संरक्षण, सुरक्षा आणि वाहतूक यासाठी सर्वजण एकत्रित भूमिका निभावत आहेत. या महिला आम्हाला सुरक्षित आणि सावधगिरीने राहण्याचे आवाहन करतात म्हणून जग त्यांच्याकडे शूर कोरोना योद्धा म्हणून पाहते .
कोरोना योद्धयांची उपरोक्त काही उदाहरणे आहेत , असे अनेक जण पडद्यामागे कार्यरत आहेत ज्यांच्या मुळे मध्य रेल्वे सुरळीत चालत आहेत.
आवाहन
प्रवाशांनी स्वत: च्या सुरक्षिततेसाठी कोविड – 19 ला अनिवार्य केलेले मास्क घालणे आणि वैद्यकीय प्रोटोकॉलचे अनुसरण करण्याची विनंती केली जाते.राज्य शासनाने निश्चित केल्याप्रमाणे फक्त अत्यावश्यक सेवेतील कर्मचार्‍यांना या निवडक उपनगरी सेवांमधून प्रवास करण्याची परवानगी देण्यात आली आहे.
