फैजपूर : येथील तापी परिसर विद्या मंडळ संचलित धनाजी नाना महाविद्यालय हे यावल आणि रावेर तालुक्यातील मध्यवर्ती ठिकाणी असलेले स्वतंत्र संग्रामाचा जाज्वल्य इतिहासाचे प्रतीक, स्वातंत्र्य सैनिकांच्या उत्स्फूर्त देणगीतून साकारलेले प्रेरणेचे प्रतिबिंब आणि कै बाळासाहेब मधुकरराव चौधरी यांच्या दूरदृष्टीने परिसरातील सर्वच आर्थिक, सामाजिक, शैक्षणिक स्तरातील विद्यार्थ्यांना दर्जेदार शिक्षणाची उत्तम सोयी पुरविणारे महाविद्यालय आहे..
सन १९६१ पासून तमसो मा ज्योतिर्गमय हे ब्रीद उराशी जपून पारंपरिक अभ्यासक्रमासोबतच करियरच्या विविध संधी उपलब्ध करून देणारे कवियत्री बहिणाबाई चौधरी उत्तर महाराष्ट्र विद्यापीठ जळगांव परिक्षेत्रातील उत्कृष्ठ महाविद्यालयापैकी एक महाविद्यालय आहे.नुकतेच महाविद्यालयाने आय एस ओ ९००१:२०१५ मानांकन प्राप्त करून दर्जेदार गुणवत्तेची परंपरा अबाधित राखली आहे..
यासाठी विद्यार्थी केंद्रित दृष्टीकोन ठेऊन गुणवत्ता पूर्ण शिक्षणसंबंधी विविध बाबी तपासण्यात आल्या. आय एस ओ साठी आलेल्या समितीने महाविद्यालयाबाबतीत निरीक्षण नोंदविले की, महाविद्यालयात विद्यार्थी केंद्रित विचार असून अभ्यासक्रम निवडीचे भरपूर पर्याय, विविध विषयात करियर ओरिएंटेड कोर्सेसची उपलब्धता, सुसज्ज प्रयोगशाळा, आय. सी. टी. युक्त वर्ग, अनुभवी प्राध्यापक, शुध्द पाणी, प्रशस्त क्रीडांगण, आय. सी. टी. सुविधा, ग्राहक भांडार, कँटीन सुविधा एन. एस. एस. एन. सी. सी. सी. विद्यार्थी कल्याण विभाग, क्रीडा विभाग अश्या सोयींनी युक्त महाविद्यालयात आहे..
या यशाबद्दल तापी परिसर विद्या मंडळाचे अध्यक्ष तथा रावेर विधानसभा मतदारसंघाचे माजी आ. शिरिष मधुकरराव चौधरी, उपाध्यक्ष प्रा. डॉ. एस. के .चौधरी, उपाध्यक्ष दामोदर पाटील, चेअरमन लिलाधर चौधरी, व्हा चेअरमन के .आर .चौधरी, सचिव प्रा. एम. टी .फिरके, सदस्य मिलिंद वाघुळदे, प्रा पी एच राणे यांनी अभिनंदन केले आहे..
प्राचार्य प्रा. डॉ. पी. आर. चौधरी, उपप्राचार्य प्रा. डॉ. अनिल भंगाळे, उपप्राचार्य प्रा .अनिल सरोदे, उपप्राचार्य प्रा. डॉ. उदय जगताप, उपप्राचार्य प्रा. दिलीप तायडे आदी महाविद्यालयाच्या प्रगतीसाठी प्रयत्न करीत आहेत.
