लॉकडाऊन काळात पाचोरा व ग्रामीण भागातील काय सुरु, काय बंद रहातील जाणून घ्या

पाचोरा, (प्रतिनिधी) – महाराष्ट्र शासन, महसूल व वन, आपत्ती व्यवस्थापन , मदत व पुनर्वसन विभाग मंत्रालय यांच्याकडील दिनांक 3 मे 2020 चे प्राप्त मार्गदर्शनानुसार पाचोरा शहरांमध्ये व  ग्रामीण भागात सुरू राहणाऱ्या दुकान बाबत पुढील प्रमाणे मार्गदर्शक सूचना प्रांताधिकारी यांनी जाहीर केल्या आहे. 

1. पाचोरा शहरातील सर्व मॉल, मार्केट कॉम्प्लेक्स पुढील आदेशापर्यंत बंद राहतील. मात्र कॉम्प्लेक्स मधील अत्यावश्यक सेवेच्या अस्थापना म्हणजेच किराणा दुकान ,दूध संकलन व विक्री केंद्र ,औषधालय , रुग्णालय यांचा अपवाद असेल.
2. पाचोरा शहरातील जी दुकाने स्टँड अलोन म्हणजेच एकीकृत आहेत जे की कुठलेही शॉपिंग संकुलाचा भाग नाही मात्र फक्त एकमेव दुकान आहे असं कुठलेही दुकान जे अत्यावश्यक सेवेत असो किंवा नसो ते विहित वेळेत सुरू राहील.

3. ग्रामीण भागातील सर्व दुकाने मग ते अत्यावश्यक सेवेतील असो किंवा नसो ते नेमून दिलेल्या विहित वेळेत सुरू राहतील मात्र ग्रामीण भागातील मॉल्स हे बंद राहतील.