रावेर, (प्रतिनिधी)- जगभरात कोरोना विरुद्ध लढाई सुरु असून आपल्या मतदार संघाचे मा.लोकनेते एकनाथराव खडसे यांच्या संकल्पनेने लोकप्रिय खासदार रक्षाताई यांच्या माध्यमातून रावेर तालुक्यातील ९६ ग्रामपंचायती व ग्रामीण रुग्णालय,पोलीस स्टेशन,नगरपालिका,बँका,तहसील कार्यालय,पंचायत समिती,प्राथमिक आरोग्य केंद्र याकार्यालयांना सॅनीटायझर व कीट पुरवण्यात आले आहे.शुक्रवारी हे रावेर साहित्य पंचायत समितीत प्राप्त झाले असून,शुक्रवारी सकाळी १० वा.जिल्हा परिषदेच्या अध्यक्षा रंजना पाटील व पंचायत सभापती जितु पाटील यांच्या हस्ते सोशल अंतर पाळून,तालुक्यातील ऐनपूर सरपंच योगिता भिल्ल व केऱ्हाळे सरपंच राहुल पाटील,रसलपूर सरपंच,तांदलवाडी ग्रामपंचायत यांना प्रातिनिधिक स्वरुपात सॅनीटायझर कॅन वाटप करण्यात आले.उर्वरित ग्रामपंचायतीने पंचायत समितीशी संपर्क साधून आपापल्या गावाकरिता आलेले साहित्य घेवून जावे.शुक्रवारी पंचायत समितीत साहित्य वाटपाप्रसंगी भाजप तालुका अध्यक्ष राजन लासूरकर,पंचायत समिती उपसभापती पी.के.महाजन,पंचायत समिती सदस्य जुम्मा तडवी,संदीप सावळे,गटविकास अधिकारी सोनिया नाकोडे उपस्थित होते.यानंतर पोलीस स्टेशन,ग्रामीण रुग्णालय व पालिकेला देखील सॅनीटायझर उपलब्ध करून दिले आहे.
