जळगाव,(प्रतिनिधी)- वन्य प्राण्यांची तस्करी करणाऱ्या आरोपीना न्यायालयात आज दिनांक ८ रोजी हजर केले असता तिघां आरोपीना दोन दिवसाची वनकोठडी सुनावली आहे.
सविस्तर असे की, वन्यप्राणी कासव-३ नग (Indian Soft Shell Turtle नग-१) (Indian Flapshell Turtle नग-२) ची तस्करी करुन विक्री करणाऱ्या तीनही आरोपीना मे.न्यायालय, जळगांव यांचे समोर हजर केले असता मे.न्यायाधीश श्री. वसीम देशमुख यांनी तीनही आरोपीना दिनांक १०.०२.२०२४ पर्यंत एकूण दोन दिवसाची वनकोठडी सुनावली आहे. त्याकरिता श्रीमती. स्वाती निकम, सरकारी वकील, जळगांव यांनी कर्तव्य बजावले. सदरील आरोपीना दिनांक ०७.०२.२०२४ रोजी वनक्षेत्र जळगांव अंतर्गत नशिराबाद ता.जि. जळगांव येथे मिळालेल्या गुप्त माहीतीवरुन वन्यप्राणी कासव-३ नग (Indian SoftShell Turtle -) (Indian Flapshell Turtle- २) ची तस्करी करुन विक्री करताना ३ आरोपीना वनविभाग जळगांव यांचे मार्फत विक्रीच्या उद्देशाने वाहतुक करताना मुद्देमालासह पकडण्यात होते. Wildlife Crime Cantrol Beuro New Delhi यांचेकडुन प्राप्त माहीतीनुसार सदर वन्यप्राणों कासव हे अज्ञात इसमाकडुन विक्री करण्यात येणार असलेबाबत माहीती उपसंचालक WCCB New Delhi यांचेकडुन उपवनसंरक्षक जळगांव यांना मिळाली होती. त्याअनुषंगाने आरोपी व्यक्तीवर पाळत ठेचुन तीन आरोपो नामे १) संजय श्रावण कोळी २) भुषण संयज कोळी २) अकबर अली मेहमुद अली सर्व रा. नशिराबाद यांना रंगेहाथ पकडण्यात होते. सदर आरोपीवर वन्यजीव संरक्षण अधिनियम १९७२ अंतर्गत गुन्हा दाखल करण्यात आला होता. वनगुन्हात पकडण्यात आलेले तीन कासव हे वन्यजीव संरक्षण अधिनियम १९७२ च्या सुची-१ मध्ये येत असुन, सदर कृत्य हे दंडनिय अपराध आहे.
सदर गुन्हयातील पुढील चौकशी श्री. प्रविण ए. उपनवसंरक्षक जळगांव यांचे मार्गदर्शनाखाली श्री.यु. एम. बिराजदार सहाय्यक वनसंरक्षक, जळगांव व श्री. नि. अ. बोरकर वनपरिक्षेत्र अधिकारी, जळगांव (प्रा.) हे करित आहे.
तरी जळगांव वनविभागा मार्फत नागरीकाना आवाहन करण्यात येते की, त्यांनी अवैधरित्या वन्यप्राणी ताब्यात ठेवुन नये. त्यांची खरेदी अथवा विक्री करुन नये, असे बेकायदेशीर कृत्य आढळल्यास टोल फ्री क्रमांक. १९२६ वर संपर्क करावा.