जळगाव,(प्रतिनिधीl)- जिल्ह्यातील अमळनेर शहरात एका १४ वर्षीय अल्पवयीन मुलीच्या घरी येत भावाला जीवे ठार मारण्याची धमकी देत अल्पवयीन मुलीवर अत्याचार करीत गर्भवती केल्याची धक्कादायक घटना उघडकीस आली असून या प्रकरणी एका विरोधात अमळनेर पोलिसात गुन्हा दाखल करण्यात आला आहे.
पोलिसांनी दिलेल्या माहितीनुसार, शहरातील एका परिसरात १४ वर्षीय अल्पवयीन मुलगी आपल्या परिवारासह राहायला असून दि.१३ जुलै ते १७ सप्टेंबर या दरम्यान संशयित आरोपी विशाल कोळी(वय २०) हा गेल्या तीन महिन्यापासून रात्रीच्या सुमारास अल्पवयीन मुलीच्या घरी येवून तिच्या लहान भावाला जीवे मारण्याची धमकी देत व अल्पवयीन मुलीचे तोंड दाबून वारंवार तिच्या घरात व घराबाहेर असलेल्या मोकळ्या जागेत अत्याचार करीत गर्भवती केल्या प्रकरणी संशयित आरोपी विशाल कोळी याच्या विरोधात अल्पवयीन मुलीने दिलेल्या फिर्यादीवरून गुन्हा दाखल करण्यात आला आहे. पुढील तपास पोउनी.भगवान शिरसाठ हे करीत आहेत.
