यावल | 18 वर्षीय मुलीने गळफास घेऊन आत्महत्या केली. ही घटना यावल तालुक्यातील नावरे येथे उघडकीस आली. प्रणाली रामकृष्ण मेढे (वय १८) असं मृत मुलीचे नाव असून या घटनेने परिसरात मोठी खळबळ उडाली आहे. याबाबत यावल पोलीस ठाण्यात आक्समात मृत्युची नोंद करण्यात आली
या संदर्भात पोलीस सुत्रांकडून मिळालेल्या माहितीनुसार प्रणाली रामकृष्ण मेढे या तरुणीने दिनांक २८ जुलै शुक्रवार रोजी दुपारी २ ते ३ वाजेच्या सुमारास आपल्या राहत्या घरातील समोरच्या खोलीत छताला असलेल्या लोखंडी कडीला साडीच्या सहाय्याने गळफास घेत आत्महत्या करीत आपली जिवन यात्रा संपवल्याची अत्यंत दुदैवी घटना घडली आहे.
या घटनेची खबर मरण पावलेल्या तरूणीचे वडील रामकृष्ण सुपडू मेढे यांनी दिल्याने यावल पोलीस ठाण्यात आक्समात मृत्युची नोंद करण्यात आली असून तरूणीने आत्महत्या सारखे पाऊल का उचलंले हे मात्र स्पष्ट होवु शकले नाही. घटनेचा तपास पोलीस निरिक्षक राकेश मानगावकर यांच्या मार्गदर्शनाखाली सहाय्यक फौजदार विजय पाचपोळे हे करीत आहेत.
