नाशिक : नाशिक महापालिकेच्या महिला वैद्यकीय अधिकारी डॉ. सुवर्णा वाजे यांचा मृतदेह जळालेल्या अवस्थेत आढळल्याने शहरात खळबळ उडाली आहे. त्यांचा नाशिकमधील वाडीवऱ्हे परिसरातील एका वाहनात मृतदेह सापडला आहे. याची माहिती परिसरातील नागरिकांनी पोलिसांना दिली. त्यानंतर पोलीस आणि महापालिकेचे अधिकारी सध्या घटनास्थळावर दाखल झाले आहेत.
सुवर्णा वाजे या मनपाच्या श्री स्वामी समर्थ रुग्णालयात वैद्यकीय अधिकारी म्हणून कार्यरत होत्या. विल्होळी परिसरातील स्वतःच्या चारचाकी वाहनात पूर्ण जळालेल्या अवस्थेत आढळल्याने सर्वत्र खळबळ उडाली आहे. वाडीवऱ्हे पोलिसांनी या वृत्ताला दुजोरा दिला असून पोलीस तपास सुरू असल्याचे सांगण्यात आले आहे. डॉ. वाजे यांचा घातपात झाला की अन्य काही कारणाने ही घटना घडली.
