पाचोरा(प्रतिनीधी)- तालुक्यातील पिंपळगाव हरेश्वर येथील २० वर्षीय महिलेवर अत्याचार प्रकरणी पाच आरोपींसह एका महिला आरोपीवर पिंपळगाव हरेश्वर पोलिस स्टेशनमध्ये गुन्हा दाखल करण्यात आला आहे.
याबाबत सविस्तर असे की, पिंपळगाव हरेश्वर येथील २० वर्षीय महिला काजल(नाव बदललेले) हिला आरोपी निंबा साळवे याच्या सांगण्यावरून आरोपी समिनाबाई तडवी हिने निंबा साळवे याच्याशी शारीरिक संबंध ठेव नाहीतर तुला मारुन टाकू अशी धमकी देत आरोपी गोपाल पाटील यांच्या शेतात आरोपी निलेश, शिवाजी, निंबा अशांनी बळजबरीने शारीरिक संबंध ठेवत महिला आरोपी समिनाबाई तडवी हिने बाहेर पहारा दिला. सदर घटनेबाबत बाहेर वाच्यता केल्यास तुला जिवंत सोडणार नाही अशी धमकी देत आरोपी निलेश, शिवाजी, निंबा, बापू आढाव, गोपाल पाटील अशांनी २० सप्टेंबर २०१९ ते फेब्रुवारी २०२० दरम्यान वेळोवेळी बळजबरीने शारीरिक संबंध ठेवले, यात पिडीता गर्भवती राहिली असून तिला बाळ(मुलगी) झाली आहे. हे पिडीतेच्या घरच्यांना लक्षात आल्यावर त्यांनी सदर पुरुष आरोपींसह एका महिला आरोपीवर गुन्हा दाखल केला असून पुढील तपास पोलीस अधीक्षक प्रविण मुंढे यांच्या मार्गदर्शनाखाली उप अधिक्षक भारत काकडे, सपोनी निता कायटे, पो.ह. रणजित पाटील. पो.ना. अरुण राजपूत, रविंद्र पाटील पो.काँ. संभाजी सरोदे, संदीप राजपूत हे करीत आहेत.