भडगाव – शहरातील वाढत्या गुन्हेगारीवर चाप बसावा म्हणून नगरपरिषदेने लवकर आपल्या शहरातील वर्दळीच्या ठिकाणी सी.सी.टीव्ही कॅमेरे बसविण्याचे पत्र भडगांव पोलिस स्टेशनचे पोलीस निरीक्षक यांनी आज दिनांक 25 जुलै रोजी दिले आहे.
भडगांव शहरात वर्दळीच्या ठिकाणी सी.सी.टिव्ही कॅमेरे लावण्या संदर्भात बाबतचे पत्र दि. 25 जुलै 2019 रोजी नगरपरिषद भडगांव मुख्याधिकारी यांना देण्यात आले आहे.
शहरातील या ठिकाणी आवश्यक आहे कॅमेरे…
मेढ्या मारूती मंदिर, जामामशिद, मर्कस मशिदीचा परिसर, गंजिवाडा परिसर, पारोळा चौफुली, बस स्टॅण्ड परिसर, आझाद चौक, शनिमंदिर,जागृती चौक बसस्टॅण्ड परिसर…
भडगांव पोलिस स्टेशनचे पो.निरीक्षक धनंजय येरळे यांच्या मार्गदर्शनाने शहरातील गुन्हेगारीला आळा बसावा यासाठी सतर्कता म्हणून भडगाव पोलीस प्रशासनाने हे पाऊल उचलले आहे. या निर्णयामुळे शहरातील नागरिकांकडून कौतुक करण्यात आले आहे.
