जळगाव, (प्रतिनिधी)- गेले एक महिन्यापेक्षा जास्त कालावधी पासून जळगांव शहर येथील शासकीय निवारागृह येथे लाडवंजारी मंगल कार्यालयातील शासकीय निवारा गृहाला माजी मंत्री एकनाथराव खडसे यांनी आज दुपारी भेट देऊन याठिकाणी सुरु असलेल्या किचनची व शहरातील गरीब गरजू यांना दोनवेळच्या जेवणाच्या होत असलेल्या व्यवस्थेबाबत माहिती जाणून घेतली.या ठिकाणावरून आज पर्यंत 1 लाख 38 हजार लोकांना जेवण पुरविण्यात आले आहे.
शहरातील लाडवंजारी मंगल कार्यालय येथे शासकीय निवारा गृह सुरु असून लॉकडाऊन सुरु झाल्या पासून या ठिकाणी दोन हजार सकाळी व दोन हजार संध्याकाळी अशा दोन वेळच्या जेवणाची व्यवस्था केली जात आहे. सदर ठिकाणांहून जळगांव शहर मधील २३ झोपडपट्टी परिसर मधे मोफत भोजन व्यवस्था करून घर पोहोच फूड पॉकेट वितरित करण्यात आलेले आहेत .आज माजी मंत्री एकनाथराव खडसे यांनी याठिकाणी भेट देऊन सर्व माहित जाणून घेतली व कोरोना सारख्या आपत्कालीन परिस्थितीत या ठिकाणी राबणाऱ्या सर्व कोरोना योध्यांचे मनापासून कौतुक केले. तर लाडवंजारी मंगल कार्यालयातून शहरातील गरजूंना दोन वेळचे जेवण पुरवठा होत असल्याचे समाधान व्यक्त केले.
यांचे आहे सहकार्य
नाथ फाउंडेशन, संत गोदडीवाले बाबा हरदास सेवा मंडळ,शिवसह्याद्री प्रतिष्ठान,नशिराबाद, रतनलाल सी. बाफना गोशाळा, हितेश प्लास्टिक जळगांव, साई संस्थान पाळधी, नव युवक अग्रवाल समाज मंडळ जळगांव, माहेश्वरी समाज मित्र मंडळ जळगांव, गिरीश जी पाल , स्वामी समर्थ सेवा मंडळ नशिराबाद , प्रेमराज कलंत्री जळगांव,समस्त लाडवंजारी मंगल कार्यालय व जळगाव शहरातील दानशूर मंडळी यांचे या ठिकाणी अनमोल सहकार्य आहे.
माजी मंत्री एकनाथराव खडसे यांनी भेट देऊन याठिकाणी कोरोना योद्धा म्हणून राबणाऱ्या नियोजन प्रमुख लोकेश मराठे,अशोक लाडवंजारी, गणेश चव्हाण, अशोक मंधान, दिलीप माहेश्र्वरी, सुनील माळी, नितीन महाजन, योगेश वंजारी, महसूल प्रशासन चे वतीने एक महिना पूर्ण वेळ मंडळ अधिकारी जळगाव शहर योगेश नन्नावरे, तलाठी सचिन माळी, तलाठी रमेश वंजारी, यांचे सुद्धा कौतुक केले.
खूप छान कार्य सर्व कार्य कर्त्यांना माझ्या माळी समाजा कडून खुप खुप हार्दिक शुभेच्छा व आशीर्वाद त्यांना मिळो