जळगाव,(प्रतिनिधी)- जिल्ह्यातील अमळनेर तालुक्यातील कळमसरे येथे एका महिलेने आपल्या ८ वर्षाच्या मुलीसह आत्महत्या केल्याची धक्कादायक घटना आज दिनांक ४ ऑक्टोबर २०२२ रोजी घडली असून या घटनेमुळे संपूर्ण परिसरात एकच खळबळ उडाली आहे.
कळमसरे निम रस्त्यावर सबस्टेशन जवळ असलेल्या भाकचंद जैन यांच्या विहीरीत निम येथील रहिवासी जयश्री समाधान कोळी वय (३०) व मुलगी नंदिनी समाधान कोळी वय (८) या माय लेकीने उडी घेऊन आत्महत्या केली आहे.आज दुपारी घडली असून सायंकाळी सहा वाजेच्या सुमारास विहिरीत दोघांचा मृतदेह तरंगत असल्याने खडबळ उडाली याबाबत मारवड पोलिसांत अकस्मात मृत्यूची नोंद करण्यात आली आहे.
या घटनेने संपूर्ण परिसर हादरला नागरिकांनी दोघांचे मृतदेह विहिरीतून बाहेर काढले. मारवड पोलिसांनी घटनास्थळी जाऊन पंचनामा करून दोन्ही मृतदेह शवविच्छेदन करण्यासाठी ग्रामीण रुग्णालयात दाखल केले. आत्महत्येचे नेमके कारण समजू शकले नाही. याबाबत मारवड पोलिसात अकस्मात मृत्यूची नोंद करण्यात आली असून पुढील तपास पोलीस उपनिरीक्षक जयेश खलाने करीत आहे.
