भडगाव । तालुक्यातील वडगाव येथील २२ वर्षीय तरूणीने राहत्या घरात गळफास आपली जीवन यात्रा संपवली. सोनी उर्फ सविता किरण राठोड (वय-२२) असे आत्महत्या केलेल्या तरुणीचे नाव असून या घटनेने परिसरात मोठी खळबळ उडाली आहे. दरम्यान, तिच्या आत्महत्या मागील कारण अद्यापही कळू शकले नाहीय. याप्रकरणी भडगाव पोलीस ठाण्यात अकस्मात मृत्यूची नोंद करण्यात आली.
याबाबत माहिती अशी की, सोनी राठोड ही आपल्या कुटुंबियांसह वास्तव्याला आहे. ५ एप्रिल रोजी घरी कुणीही नसतांना सोनी राठोड हिने राहत्या घरात गळफास घेवून आत्महत्या केल्याची घटना दुपारी उघडकीला आली आहे. सायंकाळी तिचे कुटुंबिय घरी आल्यावर हा प्रकार लक्षात आला.
शेजारचांच्या मदतीने तिला भडगाव ग्रामीण रूग्णालयात दाखल केले असता वैद्यकीय अधिकारी यांनी मयत घोषीत केले. आत्महत्या करण्याचे कारण नेमके कळू शकले नाही. याप्रकरणी भडगाव पोलीस ठाण्यात अकस्मात मृत्यूची नोंद करण्यात आली आहे.
