पाचोरा : तालुक्यातील लोहटार गावातून हृदय पिळवटून टाकणारी घटना समोर आलीय. येथील वृद्ध दांपत्याने विष प्राशन करुन आत्महत्या केल्याची घटना समोर आलीय. यादांपत्याने पोलीस स्टेशनमध्ये फोन करुन आत्महत्या करीत असल्याचं कळवल. तसेच आत्महत्येला कोणालाही कारणीभूत धरु नये, अशी चिठ्ठी लिहिली
ईश्वर नामदेव पाटील (७८) आणि पत्नी प्रमिलाबाई ईश्वर पाटील (७२) हे असं या मयत वृद्ध दांम्पत्याच नाव आहे.
मिळालेल्या माहितीनुसार, तालुक्यातील लोहटार येथील ईश्वर नामदेव पाटील हे पत्नी प्रमिलाबाई तसेच मुले सुना-नातवंड या परिवारासह वास्तव्यास होते. ईश्वर पाटील हे एस. टी महामंडळात कार्यरत होते. ते सेवानिवृत्त झाले होते. ७ जुलै रोजी रात्री सर्व कुटुंबियांनी सोबत जेवण केले. त्यानंतर सर्व झोपले. ८ जुलै रोजी पहाटे ४ वाजेच्या सुमारास ईश्वर पाटील यांनी पाचोरा पोलिस स्टेशन येथे फोन केला.
मी आणि माझी पत्नी या संसाराला कंटाळून आत्महत्या करीत आहेत. आमच्या आत्महत्येस कोणालाही कारणीभूत धरू नये, अशी माहिती पोलीस स्टेशनमध्ये दिली. फोनवरील माहिती ऐकून पोलिसांना धक्का बसला.
यामुळे पोलिसांनी तात्काळ लोहटार गाठले. माहितीनुसार ईश्वर पाटील आणि प्रमिलाबाई पाटील यांनी विषारी औषध प्राशन केले असल्याचे त्यांना दिसून आले. पोलिसांनी वृद्ध दाम्पत्याला तातडीने पाचोरा येथील खाजगी रुग्णालयात दाखल केले. उपचार सुरू असतांना १० जुलै रोजी पहाटे पावणे दोन वाजेच्या सुमारास प्रमिलाबाई पाटील यांची प्राणज्योत मालवली. त्यानंतर ईश्वर पाटील यांनी देखील जगाचा निरोप घेतला. घटनेची पाचोरा पोलीस स्टेशनमध्ये अकस्मात मृत्यूची नोंद करण्यात आली आहे. तपास पोलीस हेड कॉन्स्टेबल प्रकाश पाटील हे करीत आहेत.
