मुंबई : आज रक्षाबंधन दिवस. आजच्या दिवशी सोन्याच्या भावात घसरण झाल्याने सोन्याने आज सणासुदीत गुडन्यूज दिली आहे. जागतिक बाजारातील घसरणीचा परिणाम भारतीय बाजारांवरही दिसून येत आहे. आज भारतीय वायदे बाजारात सोन्या-चांदीच्या दरातही घसरण दिसून येत आहे. तरीही सोन्याचा भाव ५२ हजारांच्या वरच आहे. तर चांदीही ५९ हजारांच्या खाली आली आहे. जाणून घेऊया आज सोन्या-चांदीचा भाव किती आहे?
आज, मल्टीकमोडिटी एक्सचेंज (MCX) वर, 24 कॅरेट शुद्धतेचा वायदा भाव 147 रुपयांनी घसरून 52,342 रुपये प्रति 10 ग्रॅम झाला, तर चांदीचा वायदा 115 रुपयांनी घसरून 58,676 रुपये प्रति किलो झाला.
महाराष्ट्रातील दर
गुड रिटर्न्स वेबसाईटनुसार मुंबईमध्ये 22 कॅरेट सोन्याची किंमत प्रति 10 ग्रॅम 47,350 रुपये आहे. मुंबईत 24 कॅरेट सोन्याची किंमत 51,650 प्रति 10 ग्रॅम आहे. पुण्यात प्रति 10 ग्रॅम 22 कॅरेट सोन्याचा दर 47,380 असेल तर 24 कॅरेट सोन्याचा दर 51,690 रुपये असेल. नागपूर मध्ये प्रति 10 ग्रॅम 22 कॅरेट सोन्याचा दर 47,380 तर 24 कॅरेट सोन्याचा दर 51,490 रुपये इतका असेल. नाशिकमध्ये 22 कॅरेट सोन्याचा दर 47,380 आहे तर प्रति 10 ग्रॅम 24 कॅरेट सोन्याचा दर 51,690 रुपये आहे. चांदीचा आजचा प्रती 10 ग्रॅमचा दर 587 रुपये आहे. उत्पादन शुल्क, राज्य कर आणि जडणघडणीसाठी आकरले जाणारे शुल्कामुळे (मेकिंग चार्जेसमुळे) सोन्याच्या दागिन्यांच्या किंमती भारतभर बदलतात.
हे पण वाचा :
लिपस्टिकने भिंतीवर लिहिली नवऱ्याच्या अत्याचाराची कहाणी, मग नंतर उचलले टोकाचं पाऊल
रेल्वेत वर्षानुवर्षे चालत आलेली ही परंपरा संपुष्टात, रेल्वे मंत्रालयाने घेतला धक्कादायक निर्णय
रक्षाबंधनाच्या दिवशी बहिणीची राखी मिळाली नाही तरी अशी चूक करू नका! हे लक्षात ठेवा
महाराष्ट्रात इनकम टॅक्सची मोठी कारवाई ; 58 कोटीची कॅश अन् 32 किलो सोनं जप्त
सोन्याची शुद्धता कशी तपासावी?
सोन्याची शुद्धता तपासण्यासाठी एक अॅप बनवण्यात आले आहे. ‘BIS Care app’ या अॅपच्या माध्यमातून ग्राहक सोन्याची शुद्धता तपासू शकतात. तसेच या अॅपच्या मदतीने आपण फक्त सोन्याची शुद्धताच तपासू शकत नाही तर यासंबंधित तक्रारीसुद्धा नोंदवू शकतो. वस्तूंचा परवाना, नोंदणी आणि हॉलमार्क क्रमांक चुकीचा असल्याचे आढळल्यास, ग्राहक या अॅपमधून लगेच त्याबद्दल तक्रार करू शकतात. या अॅपच्या माध्यमातून ग्राहकाला तक्रार नोंदविण्याबाबतची माहितीही तत्काळ मिळणार आहे.
