दिल्ली – काँग्रेस पक्षाचे ज्येष्ठ नेते, राज्यसभा सदस्य खासदार अहमद पटेल यांचे आज सकाळी निधन झाले.
गेल्या महिन्यात अहमद पटेल यांना करोनाची लागण झाली होती. त्यानंतर दिल्ली येथील एका रुग्णालयात त्यांच्यावर उपचार सुरू होते. पटेल हे कॉंग्रेस अध्यक्षा सोनिया गांधी यांचे राजकीय सल्लागार होते.
आज सकाळी तीन वाजता त्यांचे निधन झाल्याची माहिती अहमद पटेल यांचा मुलगा फैजल पटेल, सोनिया गांधी, राहुल गांधी यांनी ट्विटद्वारे दिली आहे.
अहमद पटेल यांच्या निधनानंतर पंतप्रधान नरेंद्र मोदी, कॉंग्रेस अध्यक्ष राहुल गांधी, संजय राऊत यांच्यासह विविध राजकीय पक्षाच्या नेत्यांनी दु:ख व्यक्त केलं आहे.
