नवी दिल्ली । आज सोन्याच्या दरात मोठी घसरण झाली आहे. मल्टी कमोडिटी एक्सचेंज (MCX) वर आज सोन्याच्या दरात 62.00 रुपयांची घसरण नोंदवण्यात आली आहे. आज बुधवारी सोन्याचा भाव 0.13 टक्क्यांनी घसरून 48,225.00 रुपये आहे. गेल्या तीन दिवसांपासून सोन्याच्या दरात घसरण सुरू आहे. त्याचबरोबर चांदी महाग झाली आहे. चांदीच्या दरात 236.00 रुपयांची वाढ दिसून येत आहे. आज चांदी MXC वर 64,806.00 रुपयांवर ट्रेड करत आहे.
मिस्ड कॉल देऊन सोन्याचे दर शोधा
हे दर तुम्ही घरबसल्या सहज जाणून घेऊ शकता. यासाठी तुम्हाला 8955664433 या क्रमांकावर मिस्ड कॉल द्यावा लागेल आणि तुमच्या फोनवर एक मेसेज येईल, ज्यामध्ये तुम्ही नवीन दर पाहू शकता.
अशा प्रकारे तुम्ही सोन्याची शुद्धता तपासू शकता
आता सोन्याची शुद्धता तपासायची असेल, तर त्यासाठी सरकारने एक अॅप बनवले आहे. ‘BIS Care App’ द्वारे ग्राहक सोन्याची शुद्धता तपासू शकतात. या अॅपद्वारे तुम्ही केवळ सोन्याची शुद्धता तपासू शकत नाही, तर त्यासंबंधी कोणतीही तक्रारही करू शकता.
या अॅपमध्ये वस्तूंचा लायसन्स, रजिस्ट्रेशन आणि हॉलमार्क क्रमांक चुकीचा असल्याचे आढळून आल्यास ग्राहक त्याबाबत तत्काळ तक्रार करू शकतात. या अॅपच्या (App) माध्यमातून ग्राहकाला तक्रार नोंदविण्याबाबतही तत्काळ माहिती मिळणार आहे.
