यावल ( प्रतिनिधी ) तालुक्यातील साकळी गावात एका व्याक्तीने विवाहीत महीलेचा विनयभंग केल्याची घटना घडली असुन त्या महीलेने दिलेल्या फिर्यादी वरून गुन्हा दाखल करण्यात आला आहे .
या संदर्भात पोलीस सुत्रांकडुन मिळालेली माहिती अशी साकळी तालुका यावल येथील रहिवाशी एका ३० वर्षीय महीलेस एकटी सार्वजनिक ठिकाणी दिनांक २६ एप्रिलच्या दुपारी १२:३० वाजेच्या सुमारास गावातीलच राहणाऱ्या एका इसमाने सदर महिलेस लज्जा वाटेल असे कृत्य केले.
यावेळी फिर्यादी महिलेचा पतीने विचारपुस करता संशयीत आरोपी यांने त्यास ही धक्काबुक्की केली व धमकावले याबाबत त्या विवाहीत महीलेने यावल पोलिसात फिर्याद दिल्याने संशयीत आरोपी विरूद्ध भादवी कलम ३५४ ( अ ) , ३२३ , ५०४ , ५०६या नुसार विनयभंगाचा गुन्हा दाखल करण्यात आला असुन, पुढील तपास यावलचे पोलीस निरिक्षक सुधीर पाटील यांच्या मार्गदर्शनाखाली पोलीस उपनिरिक्षक जितेन्द्र खैरनार व पोलीस अमलदार हे करीत आहे .
