जळगाव प्रतिनिधी – येथील इकरा शिक्षण संस्था व्दारा संचलित एच जे थीम कला व विज्ञान महाविद्यालयाच्या हिंदी विभागा तर्फे आंतरराष्ट्रीय हिंदी दिवसा निमित्त भोळे महाविद्यालय,भुसावळचे हिंदी विभाग प्रमुख डॉ जगदीश चव्हाण यांचे ‘ विश्वभाषा हिंदी –दशा व दिशा’ विषयावर ई- व्याख्यान संपन्न झाले.
कार्यक्रमाच्या अध्यक्षस्थानी महाविद्यालयाचे प्रभारी प्राचार्य आय एम पिंजारी होते. कार्यक्रमाची प्रस्तावना हिंदी विभाग प्रमुख प्रो.डॉ राजेश भामरे यांनी विषद केली. कार्यकमात डॉ चांद खान , डॉ राजू गवरे , डॉ वकार शेख यांनीही मार्गदर्शन केले . आपल्या व्याख्यानात डॉ जगदीश चव्हाण मार्गदर्शन करताना म्हटले कि भविष्यात निश्चित हिंदी विश्व भाषा म्हणून मान्यता मिळेल . परंतु त्यापूर्वी भारतात माध्यम भाषा म्हणुन तिचा स्वीकार झाला पाहिजे. सर्व प्रथम ती ज्ञान भाषा, व्यापाराची भाषा, विज्ञान व तंत्रज्ञानाची भाषा ,विधी भाषा, स्तरीय साहित्यिक भाषा ,रोजगाराची भाषा, प्रयोजन मूलक भाषा म्हणुन ती समृद्ध झाली पाहिजे.
भविष्यात राजकीय नेत्यांनी संयुक्त राष्ट्रसंघाची आधिकारिक भाषा म्हणून मान्यता मिळविण्यास प्रयत्न करावा .नवीन शिक्षण नीतीत अध्यापन कार्यात राज्यांनी हिंदीचा स्वीकार करावा.तसेच माध्यम भाषा करीता हिंदी विद्वानांनी हिंदीत ग्रंथ लेखन करावे,अनुवाद करावे . कार्यक्रमात ऑनलाईन व्दारे हिंदीच्या साहित्यिक पत्रिकाबद्दल माहिती देण्यात आली . विभिन्न कार्यक्रमाचे सूत्रसंचालन व आभार डॉ राजेश भामरे यांनी मानले.
