पारोळा : व्हिडीओ चित्रीकरण करून ६ वर्षीय मुलावर अनैसर्गिक अत्याचार केल्याचा धक्कादायक प्रकार पारोळा तालुक्यातील एका गावात घडला. विशेष म्हणजे अत्याचार करणारे अल्पवयीन आहे. त्यानुसार याप्रकरणी दोन अल्पवयीन मुलांवर पारोळा पोलीस ठाण्यात गुन्हा दाखल करण्यात आला आहे.
याबाबत असे पारोळा तालुक्यातील ६ वर्षीय मुलगा हा मंदिरात दर्शनासाठी गेला होता. त्यासोबत एक १५ वर्षीय व १६ वर्षीय असे दोन अल्पवयीन मुले देखील सोबत होते. मंदिरात दर्शन घेतल्यानंतर गावातील जिल्हा परिषद शाळेच्या पाठीमागे दोन्ही अल्पवयीन मुलांनी सहा वर्षाच्या मुलावर अनैसर्गिक कृत्य करून अत्याचार केला. हा प्रकार पीडित मुलाच्या नातेवाईकाने मोबाईलमध्ये रेकॉर्ड करून घेतला होता.
हे पण वाचा :
पंतप्रधान मोदींनी विद्यार्थ्यांना दिला परीक्षेसाठी खास मंत्र, म्हणाले..
बॅग भरा, तयारी करा…; आघाडीतील दोन मोठ्या नेत्यांबाबत सोमय्यांचे महत्वाचे ट्विट
महागाईचा झटका : एलपीजी गॅसच्या दरात मोठी दरवाढ
दरम्यान, हा रेकॉर्ड केलेला व्हिडिओ मुलाच्या नातेवाईकांनी बघितला असता त्यांना धक्काच बसला. त्यांनी तातडीने पारोळा पोलीस ठाण्यात धाव घेऊन दोन्ही अल्पवयीन मुलांच्या विरोधात तक्रार दिली आहे. त्यांच्या तक्रारीवरून पारोळा पोलीस ठाण्यात गुन्हा दाखल करण्यात आला आहे. पुढील तपास सहाय्यक पोलीस निरीक्षक रवींद्र बागुल करीत आहेत.
