जळगाव- येथील श्री नाकोडा भक्त मंडळातर्फे शहरात शनिवार दि. ११ व १२ जानेवारी रोजी नाकोडा पार्श्वनाथ भैरवांचा महोत्सव साजरा केला जाणार आहे. त्यानिमित्त संगीत संध्या, महामृत्युंजय भैरव अभिषेक आणि ५६ भोग कार्यक्रमाचे आयोजन करण्यात आले आहे.
शहरात प्रथमच नाकोडा पार्श्वनाथ भैरवांचा जागर भाविकांकडून केला जाणार आहे. शनिवारी ११ जानेवारी रोजी “एक शाम श्री नाकोडा पार्श्व भैरव के नाम” हि संगीत संध्या संध्याकाळी ६ वाजता पांजरापोळ गोशाळा येथे होणार आहे. यात अहमदाबाद येथील गायक तीलोक मोदी, राजस्थान येथील गायिका आकांक्षा नाहर, चुनौती नाहर, मध्यप्रदेश मधील खाचरोद येथील वत्सल चोपडा, उज्जैन येथील सुनील परमार हे त्यांच्या सुमधुर वाणीने जळगावची संध्याकाळ भक्तीमय करणार आहे. यावेळी शहरातील मान्यवर उपस्थिती देणार आहेत.
रविवारी दि. १२ जानेवारी रोजी विविध संकटे, रोग निवारणासाठी महामृत्युंजय भैरव अभिषेक केला जाणार आहे. विधीकारक पंकज चोपडा यांच्या हस्ते सकाळी ९ वाजता पांजरापोळ गोशाळा येथे १०१ अभिषेक होईल. यानंतर मेवानगर सम्राट अंबिका मातेचे भक्त नाकोडा भैरव देवाला छप्पन भोग प्रसाद अर्पण केला जाणार आहे. या धार्मिक उत्सवात जळगाव जिल्ह्यातील भाविकांनी मोठ्या संख्येने उपस्थिती द्यावी, दर्शन घ्यावे, भजन संध्येचा लाभ घ्यावा असे आवाहन श्री नाकोडा भक्त मंडळाचे अध्यक्ष उदय कांकरिया यांनी केले आहे.
