यवतमाळ : शिवसेनेमध्ये बंडखोरी करून एकनाथ शिंदे यांनी भाजपसोबत सरकार स्थापन केले आहे. त्यामुळे शिंदे गटामध्ये इन्कमिंग सुरूच आहे. आता यवतमाळच्या खासदार भावना गवळी सुद्धा शिवसेनेला धक्का देत शिंदे गटात प्रवेश केला आहे. जाण्याने यवतमाळ लोकसभा मतदारसंघात शिवसेनेला मोठे खिंडार पडण्याची शक्यता आहे.दरम्यान, भावना गवळीसोबत 8 नगरसेवक आणि 30 पदाधिकारी असल्याचे सांगण्यात येते आहे. बाभूळगाव नगर पंचायतीचे नगरसेवक, शिवसेना उपजिल्हा प्रमुख, युवासेना जिल्हा प्रमुख आणि असंख्य कार्यकर्ते यावेळी शिंदे गटात सामील झाले आहेत. शिंदे गटाचे निरीक्षक राजेंद्र फाटक यांच्या उपस्थितीत या सगळ्यांनी एकनाथ शिंदेंसोबत जाण्याची घोषणा केली आहे.
लोकसभेच्या प्रतोदपदावरुन काही दिवसांपूर्वीच भावना गवळी यांची उचलबांगडी शिवसेनेने केली होती आणि त्यांच्याऐवजी ठाण्याचे खासदार राजन विचारे यांच्याकडे ही जबाबदारी देण्यात आली आहे. याबाबतचे पत्र संजय राऊत यांनी लोकसभा अध्यक्षांकडे दिले आहे. मात्र राज्यातील एकूण राजकीय परिस्थिती आणि सुप्रीम कोर्टातील सुनावणी यामुळे याबाबत अद्यार लोकसभा सचिवालयाकडून काही स्पष्टता देण्यात आलेली नाही. त्यामुळे लोकसभेतील शिवसेनेचा प्रतोद कोण, हाही प्रश्न कायम आहे. या निर्णयानंतर भावना गवळी यांच्या कार्यकर्त्यांनी नाराजी व्यक्त केली होती.
हे पण वाचा..
”दिआ तो कब्र पर भी जल रहा है, वेट अँड वॉच” ; राऊतांच्या ट्वीटमुळे राजकीय वर्तुळात चर्चा
अंगावर काटा आणणारी घटना ; तरुणाचा पाण्यात वाहून जातानाचा Video व्हायरल
दररोज 200 रुपये गुंतवा, मॅच्युरिटीवर मिळतील 28 लाख रुपये, जाणून घ्या ‘या’ योजनेबाबत..
अभ्यास न करत असल्यानं आईने मारले, वडिलांनी विचारले का रडतोस, मुलगा म्हणाला.. पहा Video
भावना गवळी यांनी १०० कोटींचा भ्रष्टाचार केल्याचा आरोप करण्यात आला होता. महिला उत्कर्ष प्रतिष्ठानमधील पैशांच्या अफरातफरी प्रकरणात त्यांना ईडीने समन्सही बजावले होते. त्यानंतर काही दिवस भावना गवळी या सार्वजनिक ठिकाणी दिसत नव्हत्या. शिंदे यांच्या बंडानंतर, त्यांची भूमिका समजून घ्यावी असे आशयाचे पत्र देणाऱ्या त्या पहिल्या शिवसेनेच्या खासदार होत्या. तेव्हापासूनच त्या एकनाथ शिंदे यांच्या गटासोबत असल्याचे सांगण्यात येत होते.
