पाचोरा : एकनाथ शिंदे यांच्या नेतुर्त्वाखाली शिवसेनेच्या ४० आमदारांनी बंडाचा पवित्रा घेतल्यानं महाविकास आघाडी सरकारला पायउतार व्हावं लागलं. त्यानंतर शिंदे गट-भाजपचे नवीन सरकार स्थापन झाले असून एकनाथ शिंदे मुख्यमंत्री आहेत. दरम्यान, राज्य मंत्रिमंडळात अद्यापही विस्तार झालेला नसून मात्र, यात मुख्यमंत्री एकनाथ शिंदे यांचे निकटवर्तीय मानले जाणारे पाचोरा भडगाव चे आमदार किशोरअप्पा पाटील यांची शिंदे सरकार मध्ये राज्यमंत्री पदी वर्णी लागण्याची दाट शक्यता वर्तवली जात आहे. यासाठी कार्यकर्त्यांकडून देखील प्रयत्न सुरु आहे.
शिंदे गटातील शिवसेनेचे जेष्ठ नेते गुलाबराव पाटील हे महाविकास आघाडीच्या मंत्रिमंडळातील कॅबिनेट मंत्री होते त्यामुळे शिंदे – भाजपा सरकार मध्ये ते कॅबिनेट मंत्री पदाकारिता दावेदार आहेत. जळगाव जिल्ह्याला शिंदे गटातून दोन कॅबिनेट मिळणं कठीण आहे. मात्र किशोरअप्पा यांची राज्यमंत्री पदी वर्णी लागणार असल्याचे सूत्रांकडून समजते. आ. किशोरअप्पा यांची ‘कॅबिनेट मंत्रिपदावर वर्णी लागावी आ. किशोरअप्पा पाटीलांचा कॅबिनेट मंत्रिपदाचा मार्ग खडतर असला तरि राज्यमंत्री वर्णी निश्चित मानली जात असल्याचे देखील समजतेय. यासाठी कार्यकर्त्यांकडून देखील प्रयत्न सुरु आहे.
किशोरअप्पा पाटील यांची आमदारकीची दुसरी टर्म
आमदार किशोरअप्पा पाटील पाचोरा – भडगाव या विधानसभा मतदार संघांचं दुसऱ्यांदा प्रतिनिधित्व करीत असून मतदारसंघात विकास निधी खेचुन आणत पाचोरा सह भडगाव तालुक्यातील सर्वाधिक विकासाचा पॅटर्न आमदार किशोर पाटील यांच्या मागणीने झाला आहे.मुख्यमंत्री एकनाथ शिंदे यांचे निकटवर्तीय म्हणून किशोरअप्पा यांना समजले जाते. किशोरअप्पा पाटील यांना मंत्रिपद मिळाल्यास पाचोरा – भडगाव मतदार संघात विकासाचा नवा आलेख ते उभारू शकता, विविध विकास कामे मार्गी लावून आपला मतदार संघ सुजलाम सुफलाम करू शकता असा विश्वास त्यांच्या समर्थकांना आहे.
हे पण वाचा..
मोठी बातमी ! औरंगाबाद, उस्मानाबादच्या नामांतरवर मंत्रीमंडळाच्या बैठकीत शिक्कामोर्तब
बाहेरून भाजीपाला खरेदी करीत असाल तर ‘हा’ Video नक्कीच पहा
..तर मी राजकारण सोडेन ; शिंदेंचे उद्धव ठाकरेंना खुले आव्हान
अति भयंकर : सासरच्या छळाला कंटाळून विवाहितेने चक्क विजेचा शॉक घेऊन केली आत्महत्या
गेल्या आठवड्यात नव्याने शिंदे सरकार स्थापन झाले असून आज शिंदे सरकारने बहुमत देखील सिद्ध केले आहे. एकनाथ शिंदे यांच्या गटात पहिल्या दिवसापासून किशोरअप्पा सोबत असल्याने किशोर पाटील हे शिंदे यांचे कट्टर समर्थक मानले जात असले तरि जळगाव जिल्ह्यातील चार आमदार शिंदे गटात सामील झाले आहेत, यापैकी माजी पालकमंत्री गुलाबराव पाटील यांना तर कॅबिनेट मंत्रिपद व जळगाव पालकमंत्री पद देखील मिळणार असल्याचे समजते तर शिवसेनेच्या कोट्यातून राज्यमंत्री पद किशोरअप्पा पाटील यांना मिळू शकते अशी शक्यता वर्तविण्यात येत आहे. आमदार किशोरअप्पा पाटील यांना राज्य मंत्रिपद मिळाल्यास जळगाव जिल्ह्याला शिवसेनेच्या कोट्यातून दोन मंत्रीपद मिळतील असं बोलल्या जात आहे.
