जळगाव : आज रविवारी जळगाव जिल्ह्यातील पाचोरा येथे उद्धव ठाकरे यांची जाहीर सभा होणार आहे. दरम्यान, ठाकरे गटाचे खासदार संजय राऊत यांनी मोठे वक्तव्य केले आहे. येत्या १५ दिवसांत महाराष्ट्रातील एकनाथ शिंदे-देवेंद्र फडणवीस सरकार पडेल, असा दावा संजय राऊत यांनी केला आहे. या सरकारचे ‘डेथ वॉरंट’ जारी करण्यात आल्याचे राऊत यांनी म्हटले आहे. राऊत यांच्या या दाव्याने राजकीय वर्तुळात पुन्हा एकदा खळबळ उडाली आहे.
काय म्हणाले संजय राऊत?
दरम्यान, याबाबत बोलताना संजय राऊत म्हणाले की, प्रत्येकजण आपापली गणिते मांडत आहे. पण आम्ही निकालाची वाट पाहत आहोत. मुख्यमंत्री आणि त्यांच्या ४० लोकांची सध्याची राजवट येत्या १५ ते २० दिवसांत कोसळेल, असे राऊत म्हणाले. मी एकदा म्हटले होते की, फेब्रुवारीपर्यंत सरकार पडेल. मात्र न्यायालयाचा निर्णय उशिराने येत आहे. मात्र हे सरकार टिकणार नाही, या सरकारचे ‘डेथ वॉरंट’ जारी करण्यात आले आहे. आता कोण आणि कधी सही करणार हे ठरले आहे, असे राऊत यांनी म्हटले आहे. राष्ट्रवादी काँग्रेसचे नेते अजित पवार यांच्याबाबत चर्चा सुरू असतानाच राऊत यांचे हे वक्तव्य आले आहे. मात्र, आपण राष्ट्रवादीतच राहणार असल्याचे त्यांनी आपल्या बाजूने स्पष्ट केले आहे.
हे पण वाचाच..
दिलासा! खाद्यतेल पुन्हा झाले स्वस्त, जाणून घ्या कोणत्या तेलाच्या दरात किती घसरण झाली
.. तर मी राजकारण सोडून देईल ; आ. किशोर पाटील नेमकं काय म्हणाले?
संजय राऊतांनी आम्हाला चॅलेंज करु नये, नाहीतर आम्ही.. गुलाबराव पाटलांचा मोठा इशारा
महाराष्ट्रात पाऊस, पीकपाणी कसं राहणार? भेंडवळची भविष्यवाणी जाहीर
सर्वोच्च न्यायालयाच्या निर्णयाकडे सर्वांचे लक्ष लागले आहे
विशेष म्हणजे, सर्वोच्च न्यायालयात महाराष्ट्राच्या सत्ता संघर्षाची सुनावणी 16 मार्च रोजी पूर्ण झाल्यानंतर, मुख्य न्यायाधीश (CJI) DY चंद्रचूड यांच्या अध्यक्षतेखालील पाच न्यायाधीशांच्या घटनापीठाने निर्णय राखून ठेवला होता. यानंतर महाराष्ट्राच्या राजकारणातील निकालाकडे विरोधी पक्षांसह सर्वांच्या नजरा सर्वोच्च न्यायालयाकडे लागल्या आहेत. मुख्य म्हणजे या प्रकरणाची सुनावणी मुख्य न्यायाधीश (CJI) डीवाय चंद्रचूड, न्यायमूर्ती एमआर शाह, कृष्णा मुरारी, हिमा कोहली आणि पीएस नरसिम्हा यांच्या पाच सदस्यीय खंडपीठात झाली. सर्वोच्च न्यायालयाच्या निर्णयानंतर राज्याच्या राजकारणात मोठा भूकंप होऊ शकतो, असे मानले जात आहे.
