जळगाव – नशिराबाद येथील वाघूर धारण उपविभाग क्र.३ कार्यालय आज दिनांक २४ जुलै २०१९ रोजी कार्यालयीन कामकाजाच्या दिवशी चक्क कुलूप लावून बंद ठेवण्याची खळबळ जनक घटना उघडकीसआली आहे.या कार्यालयात एकही कर्मचारी,अधिकारी हजर नसल्याने हे कार्यालय वाऱ्यावर असल्याचे दिसून आले. तर यामुळे गतिमान प्रशासनाचे वाभाडे निघणारे वास्तव समोर आले आहे.
याबाबत सविस्तर असे कि,वाघूर धरण विभाग,जळगाव कार्यालय अंतर्गत येणारे वाघूर धारण उपविभाग क्र.३ ,नशिराबाद ता.जळगाव या कार्यालयास आज नजरकैद चमूने भेट दिली असता या कार्यालयाला चक्क कुलूप लावलेले आढळून आले .या कार्यालयात व कार्यालयाच्या परिसरात एकही कर्मचारी हजर नसल्याने शुकशुकाट पाहायला मिळाला.याबाबत कार्यकारी अभियंता श्री.वराडे यांना भ्रमणध्वनीवरून संपर्क साधला असता ते म्हणाले कि,संबंधित अधिकारी साईट वर गेले असतील तसेच या ठिकाणी कर्मचारी स्टाफ कमी आहे असे सांगून संबंधित अधिकारी सहाय्य्क अभियंता विनोद पाटील यांना आपल्याशी संपर्क करायला लावतो असे सांगून वेळ मारून नेली.त्यानंतर सहाय्य्क अभियंता विनोद पाटील यांच्या संपर्क साधला असता ते म्हणाले कि,मी कामानिमित्त साईटवर आलो आहे.कर्मचारी स्टाफ कमी असल्याने आज कार्यालय बंद असल्याची कबुली त्यांनी दिली.एकूणच या कार्यालयात बेजबाबदार अधिकारी कर्मचारी असतांना वरिष्ठ अधिकारी अथवा लोकप्रतिनिधी यांना या बाबी कशा दिसत नाही.सदर कार्यालयात अधिकारी कर्मचारी महिन्यातून कधीतरी येत असल्याचे स्थानिक गावकऱ्यांकडून समजले.याबाबत वरिष्ठ अधिकारी काय कार्यवाही करता याकडे सर्वांचे लक्ष लागून आहे.
