भुसावळ : रेल्वे प्रवाशांसाठी एक खुशखबर आहे. गेल्या २२ महिन्यापासून बंद असलेली भुसावळ-देवळाली पॅसेंजर ऐवजी आता भुसावळ ते इगतपुरी मेमू रेल्वे सुरु होत आहे. येत्या १० जानेवारीपासून ही मेमू धावणार आहे. या गाडीला मेल, एक्स्प्रेस या गाडीचे तिकीट दर आकारले जाणार असून याबाबत रेल्वे प्रशासनाने अधिकृतरित्या माहिती जारी केली आहे. भुसावळ-देवळाली शटल सर्व थांब्यावर थांबत होती. त्यातील सात स्थानकांवर मेमू गाडी थांबणार नाही.
कोरोनाचा वाढता प्रादुर्भाव लक्षात घेता अनेक रेल्वे गाड्या बंद कऱण्यात आल्या होत्या.मध्यंतरी कोरोनाचा प्रादुर्भाव कमी झाल्याने बर्‍याचशा रेल्वे गाड्या सुरू करण्यात आल्या असल्या तरी मात्र भुसावळ ते देवळाली पॅसेंजर सुरू न करण्यात आल्याने प्रवाशांमध्ये नाराजी होती. यामुळे ही रेल्वे गाडी सुरू करण्यात यावी अशी मागणी करण्यात आली होती. भुसावळ ते देवळाली ही पॅसेंजर अद्यापही सुरु झालेली नव्हती. या पॅसेंजर ऐवजी रेल्वे प्रशासनाने आता याच प्रकारातील रेल्वे गाडी भुसावळ ते इगतपुरीच्या दरम्यान मेमू सुरु केली.
रेल्वे प्रशासनाकडून भुसावळ-इगतपुरी मेमू गाडी १० जानेवारीपासून सुरू करण्याचा निर्णय रेल्वे प्रशासनाने घेतला आहे. या गाडीला मेल, एक्स्प्रेस या गाडीचे तिकीट दर आकारले जाणार असून याबाबत रेल्वे प्रशासनाने अधिकृतरित्या माहिती जारी केली आहे. भुसावळ- इगतपुरी मेमू गाडी ही भुसावळ जंक्शनवरून सकाळी सातला सुटून इगतपुरीला दुपारी तीनला पोहोचेल. तर परतीच्या प्रवासात ही गाडी इगतपुरी येथून सकाळी ९.१५ वाजता निघून भुसावळ स्थानकावर ही गाडी सायंकाळी ५.१० वाजता पोहोचेल. भुसावळ-देवळाली शटल सर्व थांब्यावर थांबत होती. त्यातील सात स्थानकांवर मेमू गाडी थांबणार नाही.
