जळगाव – राष्ट्रीय आरोग्य अभियानार्तगत जिल्हा एकात्मीक आरोग्य आणि कुटुंबकल्याण सोसायटी जि.प जळगाव आणि गोदावरी संचलित मोबाईल मेडीकल युनिटच्या सयुक्त विद्यमाने लोहारा येथे आयोजीत शिबीराला उत्स्फुर्त प्रतिसाद मिळाला. नागरिकांनी शिबीरात तज्ञ डॉक्टरांकडुन आरोग्य तपासणी करून घेतली.
राष्ट्रीय आरोग्य अभियान आणि गोदावरी फाउंडेशन यांच्या संयुक्त विद्यमाने मोबाईल मेडीकल युनिट प्रकल्पांतर्गत रावेर तालुक्यातील लोहारा येथे मोफत आरोग्य तपासणी व औषधी वाटप शिबीराचे आयोजन करण्यात आले होते. या शिबीराचे उद्घाटन लोहारा गावाचे सरपंच लियाकत तडवी व वैद्यकीय महाविद्यालय व रूग्णालयातील स्त्रीरोग तज्ञ डॉ. माया आर्विकर यांच्या हस्ते करण्यात आले. हे शिबीर जिल्हा आरोग्या अधिकारी डॉ. पाटोळे व रावेर तालुका वैद्यकीय अधिकारी डॉ. शिवराय यांच्या मार्गदर्शनाखाली घेण्यात आले. शिबिरात डॉ उल्हास पाटील वैद्यकिय महाविद्यालय व रूग्णालयाचे स्त्रीरोग तज्ञ डॉ माया आर्विकर, बालरोग तज्ञ डॉ विजय गरकल, मधुमेह तज्ञ डॉ पाराजी बाचेवार, होमीओपॅथी तज्ञ डॉ रूपरेखा सपकाळे यांनी नागरिकांची आरोग्य तपासणी केली. शिबीरात २४९ जणांची तपासणी करण्यात आली. यातील ३१ रूग्णांना पुढील तपासणीसाठी रूग्णालयात पाठविण्यात आले. यशस्वीतेसाठी लोहारा पीएचसीचे वैद्यकीय अधिकारी डॉ. निरज पाटील, गोदावरी फाउंडेशनचे राजेंद्र पाटील व मोबाईल मेडीकल युनिटचा स्टाफ, डॉ. नेहा पाटील, आरती थुल, दिनेश भोळे, स्नेहल दाते, हिम्मत न्यायदे, गिरीष सोनवणे यांनी परिश्रम घेतले.
