अल्पबचतीच्या व्याजदरावर घट करीत 1974 नंतर पहिल्यांदाच व्याजदर 7 टक्केच्या खाली आणून काल आर्थिक वर्षाच्या शेवटच्या दिवशी सर्वसामान्यांना झटका दिला होता मात्र आज सकाळी अर्थमंत्री निर्मला सीतारामन यांनी ट्विट करून निर्णय मागे घेतल्याचे जाहीर केला आहे, यावर राष्ट्रवादी काँग्रेस पक्षाच्या खासदार सुप्रिया सुळे यांनी केंद्र सरकारचं अभिनंदन केलं आहे.
सुप्रिया सुळे यांनी आपल्या ट्विटर हॅण्डल वरून ट्विट करून म्हटलं आहे की अल्पबचतीवरील व्याजदरांमध्ये कपात करण्याचा निर्णय सरकारने तातडीने फिरविला, सरकारचे याबद्दल अभिनंदन. यामुळे सर्वसामान्य जनतेला दिलासा मिळाला असल्याचं म्हटलं आहे.
आता केंद्र सरकारने अशीच तत्परता पेट्रोल, डिझेल व स्वयंपाकाचा गॅस यांवर लादलेली मोठी दरवाढ देखील तात्काळ मागे घ्यावी ही विनंती देखील सुप्रिया सुळे यांनी यावेळी केली आहे.
दरम्यान भारत सरकारच्या छोट्या बचत योजनांचे व्याज दर २०२०-२०१२ च्या शेवटच्या तिमाहीत अस्तित्त्वात असलेल्या दरांवरच राहतील, म्हणजेच मार्च २०२१ पर्यंतचे दर.निरीक्षणाद्वारे जारी केलेले आदेश मागे घेण्यात येत असल्याचं ट्विट केंद्रीय अर्थमंत्री निर्मला सीतारामन यांनी आज सकाळी केलं आहे.
