जळगाव । आगामी लोकसभा निवडणुकीसाठी सर्वच पक्षांनी कंबर कसली आहे. यानिमित्त अनेकांच्या भेटीगाठी सुरु आहेत. दरम्यान, राष्ट्रवादी काँग्रेसने देखील राज्यातील प्रत्येक जिल्ह्यात उमेदवारांची चाचपणी करत आहे. अशातच जळगाव जिल्ह्यातील दोन्ही जागांवर राष्ट्रवादी तयारीत असल्याचं दिसून येतेय.
कारण रावेर लोकसभा निवडणूक एकनाथ खडसे यांनी लढवावी असा प्रस्ताव राष्ट्रवादी कॉंग्रेसतर्फे देण्यात आला आहे. जळगाव लोकसभेसाठी अमळनेरचे आमदार अनिल पाटील यांच्या नावाची शिफारस झालेली आहे.
हे पण वाचा..
आमदार महिलेला घेऊन हॉटेलवर पोहोचला, तितक्यात मागून नवरा आला अन्.. VIDEO व्हायरल
कृषी विभाग बुलढाणा अंतर्गत नोकरीची संधी.. दरमहा 20,000 पगार मिळेल
ग्राहकांसाठी खुशखबर..! सोने 600 रुपयांनी तर चांदी 2500 रुपयांनी घसरली
पक्षाचे नेते शरद पवार जळगाव दौऱ्यावर असताना पक्ष नेत्याच्या बैठकित चर्चा झाली आहे. या बैठकित रावेर लोकसभेसाठी आमदार एकनाथ खडसे यांना उमेदवारी द्यावी असा प्रस्ताव जिल्ह्यातून देण्यात आला आहे. विशेष म्हणजे शरद पवार यांनी सर्वांचे म्हणणे ऐकून घेतले, मात्र कोणतीही प्रतिक्रिया व्यक्त केलेली नाही. यावेळी स्वतः खडसेही उपस्थित असल्याचे सांगण्यात आले.
रावेर लोकसभेसाठी राष्ट्रवादी कॉँग्रेस तसेच महाविकास आघाडीतर्फे पक्षाचे ज्येष्ठ नेते आमदार एकनाथराव खडसे यांना उतरविण्याचा प्रस्ताव असल्याचे सांगण्यात आले. मात्र ज्या भागात ज्या पक्षाचा जोर आहेत, त्या ठिकाणी त्या पक्षाच्या उमेदवार उभा करावयाचा असल्याचेही सांगण्यात आले आहे.
