रावेर – रावेर पंचायत समितीच्या सभापतीपदी निंबोल येथील जितेंद्र पाटील तर उपसभापती रावेर येथील पि.के.महाजन यांच्या नावावर शिक्कामोर्तब करण्यात आले आहे. जितेंद्र पाटील हे अविवाहित असल्याने रावेर पंचायत समितीला प्रथमच अविवाहित सभापती लाभणार आहे. ठरल्याप्रमाणे सभापतीपद मुक्ताईनगर विधानसभा मतदार संघाला मिळणार असून उपसभापती रावेर विधानसभा मतदारसंघाला मिळणार आहे. येथील शासकीय विश्राम गृहावर झालेल्या भाजपच्या तालुका कोअर कमेटी मध्ये नाव निश्चित करण्यात आले आहे. यामध्ये माजी शिक्षण सभापती सुरेश धनके, माजी सभापती माधुरी नेमाडे, भाजपा जिल्हा उपाध्यक्ष पदमाकर महाजन, भाजपा युवा जिल्हा उपाध्यक्ष अमोल पाटील, भाजपा तालुकाध्यक्ष राजन लासुरकर, सरचिटणीस वासुदेव नरवाडे, महेश चौधरी, माजी तालुकाध्यक्ष सुनिल पाटील, शिवाजीराव पाटील, हरलाल कोळी, संदीप सावळे यांच्यासह भाजपा पं.स.सदस्य या बैठकीत उपस्थित होते.
