राज्य घटनेचे शिल्पकार,भारतीय न्यायशास्त्रज्ञ, अर्थशास्त्रज्ञ, राजनीतिज्ञ, तत्त्वज्ञ, समाजसुधारक,महामानव डॉ. बाबासाहेब आंबेडकर यांच्या कार्यकर्तृत्वाने संपूर्ण मानवजातीचे कल्याण झालं, तेजोमय असलेल्या ‘या’ महापुरुषांचा शाळेचा पहिला दिवस, शाळेत प्रवेशाची तारीख जाणून घेऊया… डॉ. बाबासाहेब आंबेडकर (Dr. Babasaheb Ambedkar) यांचा दि.७ नोव्हेंबर १९०० साली शाळेत पहिल्यांदा प्रवेश घेतला होता.सातारा शहरातील राजवाडा चौकात असलेल्या सरकारी हायस्कूलमध्ये (आताचे ‘प्रताप सिंग हायस्कूल’) शाळेच्या पहिल्या इंग्रजी वर्गात प्रवेश घेतला. या दिवसापासून त्यांची शैक्षणिक कारकीर्द सुरू झाली.
‘भिवा रामजी आंबेडकर’ हे त्यांचे नाव अनुक्रमांक – १९१४ वर नोंदवहीत होते. ज्यासमोर आजही बालक भीमरावांची स्वाक्षरी आहे. हा ऐतिहासिक दस्तऐवज शाळा प्रशासनाने आदराने आणि अभिमानाने जतन केला आहे. या घटनेची आठवण म्हणून आणि विद्यार्थ्यांना ‘केवळ शिक्षण हेच प्रगतीचे एकमेव साधन आणि त्यासाठी केलेले कष्ट’ याची जाणीव करून देण्यासाठी महाराष्ट्र शासनाने हा दिवस ‘विद्यार्थी दिवस’ म्हणून घोषित केला आहे.
