नवी दिल्ली : यंदाच्या वाढत्या तापमानाने अनेक वर्षांचा विक्रम मोडला आहे. त्याचवेळी पावसाबाबतही अशीच शक्यता व्यक्त केली जात आहे. यंदा आणखी चांगला पाऊस पडण्याची शक्यता आयएमडीने वर्तवली आहे. IMD च्या अहवालानुसार, देशात यंदाच्या मान्सून हंगामातील सरासरी पाऊस दीर्घ कालावधीच्या सरासरीच्या 103 टक्के असण्याची शक्यता आहे. तर महाराष्ट्रातील १४ जिल्ह्यांमध्ये सरासरीपेक्षा अधिक म्हणजेच 106 टक्क्यांपेक्षा अधिक पावसाची शक्यता आहे.
आयएमडीने एप्रिलमध्ये सांगितले होते की देशात सामान्य पाऊस पडेल, जो दीर्घकालीन सरासरीच्या 99 टक्के असेल. यासह, देशात यावर्षी ८९.६ सेंटीमीटरपर्यंत मोसमी पावसाची नोंद होऊ शकते. पण जिथे देशाच्या बहुतांश भागात सामान्यपेक्षा जास्त पाऊस पडण्याची शक्यता आहे. दुसरीकडे, ईशान्य, पूर्व, पूर्व-मध्य आणि दक्षिण-पश्चिम द्वीपकल्पीय भारताच्या काही भागात सामान्यपेक्षा कमी पाऊस पडू शकतो. यापूर्वी, एप्रिलमध्ये, आयएमडीने देशात सामान्य पाऊस पडेल असे सांगितले होते.
माजी हवामान विभागाच्या माहितीनुसार कोल्हापूर, सांगली, सातारा, पुणे, नगर, नंदुरबार, धुळे, जळगाव, नाशिक,औरंगाबाद, लातूर, अमरावती, वर्धा, यवतमाळ या जिल्ह्यात सरासरीपेक्षा अधिक म्हणजेच 106 टक्क्यांपेक्षा अधिक पावसाची शक्यता आहे.
दक्षिण भारतात मान्सून पुढे सरकत आहे, मात्र त्याचा वेग काहीसा कमी झाला आहे. गेल्या 24 तासांत लक्षद्वीप, अंदमान आणि निकोबार बेटांवर आणि केरळमध्ये हलका ते मध्यम पाऊस झाला. काही ठिकाणी मुसळधार पावसाची नोंद झाली. आयएमडीने बुलेटिनमध्ये म्हटले आहे की नैऋत्य मान्सूनने संपूर्ण केरळ व्यापले आहे. कर्नाटक आणि तामिळनाडूच्या काही भागात आणि दक्षिण-पश्चिमच्या अनेक भागात ते पुढे गेले आहे. अरबी समुद्रातून येणाऱ्या मान्सून वाऱ्यांच्या प्रभावामुळे केरळ, लक्षद्वीपमध्ये हलका ते मध्यम पाऊस आणि मेघगर्जनेसह पाऊस पडण्याची शक्यता आहे.
पुढील पाच दिवसांत कर्नाटकात तुरळक ठिकाणी मुसळधार पाऊस पडू शकतो. आंध्र प्रदेश, तेलंगणा, तामिळनाडू, पुद्दुचेरी येथेही विखुरलेल्या पावसाची शक्यता आहे. हवामान खात्याच्या म्हणण्यानुसार, जम्मू-काश्मीर आणि हिमाचलमध्ये एक वेस्टर्न डिस्टर्बन्स तयार झाला आहे, ज्यामुळे पुढील तीन दिवसांत या राज्यांमध्ये काही ठिकाणी पाऊस पडू शकतो. पश्चिम राजस्थानपासून हरियाणा, उत्तर प्रदेश, बिहारपर्यंत कमी दाबाचे क्षेत्र कायम आहे. त्यामुळे हरियाणा, दिल्ली आणि पश्चिम उत्तर प्रदेशात हलका पाऊस आणि मेघगर्जनेसह पाऊस पडण्याची शक्यता आहे. गेल्या २४ तासांत यापैकी अनेक ठिकाणी धुळीचे वादळ आणि पाऊस झाला.
