जळगाव – जामनेर तालुक्यातील मोहुखेडा दिगर येथे काल सायंकाळी चार वाजेच्या सुमारास एका 25 वर्षीय तरुणांने विषारी औषध प्राशन करून आत्महत्या केल्याची घटना उघडकीस आली असून याबाबत पोलिस तपास करीत आहे.
याबाबत सूत्रांनी दिलेली माहिती अशी की मोहुखेडा दिगर येथील अतुल दौलत पाटील वय 25 त्या तरुणाने कर्जबाजारीपणाला कंटाळून दुपारी चार वाजेच्या सुमारास विषारी औषध प्राशन केले. त्याला नातेवाईकांनी जामनेर ग्रामीण रुग्णालयात दाखल केले असता डॉक्टरांनी त्याला जळगाव जिल्हा रुग्णालयात हलविण्याचे सांगितले . त्यानुसार जिल्हा रुग्णालयात अतुल पाटील याला दाखल केले असता तो रात्री आठ वाजेच्या सुमारास मयत झाला. याप्रकरणी एमआयडीसी पोलीस स्टेशनला शून्य क्रमांकाने अकस्मात मृत्यूची नोंद करण्यात आली असून जामनेर पोलीस स्टेशनला शून्य क्रमांकाने गुन्हा वर्ग करण्यात आला आहे . याप्रकरणी पुढील तपास जामनेर पोलिस करीत आहे.
दरम्यान त्याच्या गळ्यावर असणाऱ्या व्रणामुळे त्याने गळफास घेऊन आत्महत्या केल्याची पोलिसांचे म्हणने असून नातेवाईकांनी त्याने विषप्राशन केल्याचा दावा केला आहे.
